Լավագույն բնական միջոցն ամբողջ օրգանիզմը մաքրելու և ինքնազգացողությունը բարելավելու համար

Կանաչ հյութերը հայտնի են իրենց սննդարար հատկություններով ու օգտակար նյութերով: Այս հյութերի պարբերաբար գործածությունը կօգնի մաքրել ոչ միայն աղիները, այլև անոթները, լյարդն ու երիկամները: Դրանք դուրս կբերեն բոլոր տոքսիններն օրգանիզմից և կբարելավեն իմունային համակարգի աշխատանքը:

Կանաչ հյութերը պատրաստելիս կարելի է փոփոխել դրա բաղադրությունը՝ ավելացնելով կամ բացառելով որոշ բաղադրիչները, ինչը թույլ կտա ստանալ նախընտրելի հյութը:

Սովորաբար այս հյութերի մեջ ներառվում է գազար, բրոկոլի, խնձոր, վարունգ ու մաղադանոս, որոնք բոլորն էլ օժտված են իրենց բնորոշ օգտակար հատկություններով:

1.      Գազարը նվազեցնում է սրտի հիվանդությունների առաջացման և զարկերակային ճնշման բարձրացման հավանականությունը, ինչպես նաև բարելավում է մաշկի վիճակն ու մաքրում է լյարդը:

2.      Բրոկոլին օգնում է պաշտպանել տեսողությունը, ինչպես նաև ազատում է էստրոգենի ավելցուկից, որը կապված է կրծքագեղձի քաղցկեղի առաջացման բարձր հավանականության հետ:

3.      Խնձորի հյութը նպաստում է խոլեստերինի մակարդակի նվազմանը, օգնում բարելավել գլխուղեղի գործառույթները և կանխում է երիկամների ու լյարդի հիվանդությունները:

4.      Վարունգի հյութը մեղմում է արթրիտի հետևանքով անհանգստացնող ցավը, բարելավում է մարսողական համակարգի աշխատանքն ու օգնում է էկզեմայի, բշտիկների և անգամ պսորիազի դեպքում:

5.      Մաղադանոսն ազատում է բերանի խոռոչի տհաճ հոտից, որը սովորաբար վկայում է հաստ աղիքում տոքսինների կուտակման մասին: Բացի այդ, այն օգնում է բուժել միզուղիների բակտերիալ վարակները, անեմիան, թոքերի վարակներն ու ասթման:

Այս բոլոր բաղադրիչների համադրությունը կօգնի մաքրել օրգանիզմն ու զգալիորեն բարելավել ինքնազգացողությունն ու առողջական վիճակը, սակայն ցանկության դեպքում կարելի է ավելացնել որևէ այլ օգտակար մթերք կամ բացառել նշվածներից որևէ մեկը: Սա թույլ կտա ստանալ նախապատվելի համը և մեծ բավականություն ստանալ ըմպելիքն օգտագործելիս:

Նշված բաղադրիչներով հյութ պատրաստելու համար հարկավոր է գազարը, փոքրիկ բրոկոլին, ոչ մեծ վարունգը, խնձորն ու մի բուռ մաղադանոսը լցնել կոտորակիչի մեջ, ավելացնել մի բաժակ ջուր և լավ խառնել մինչև ստացվի համասեռ ըմպելի զանգված:

Նյութի աղբյուրը՝ budetezdorovy.ru