3 քայլ գլխուղեղի կաթվածն ախտորոշելու և ժամանակին բուժօգնություն ցուցաբերելու համար

12:40 • 16.03.19

Գլխուղեղի կաթվածն ամենավտանգավոր հիվանդություններից մեկն է, որի դեպքում հարկավոր է անհապաղ միջոցներ ձեռնարկել, այլապես հետևանքները ճակատագրական կլինեն: Սակայն խնդիրն այն է, որ հաճախ այս հիվանդության ախտանշանները տարբերելը բավական դժվար է լինում:

Գլխուղեղի կաթվածի դեպքում տուժածի մոտ գլխուղեղի աշխատանքի լուրջ խանգարումներ են նկատվում և ժամանակին բուժօգնություն չցուցաբերելու դեպքում հիվանդը կարող է անգամ մահանալ: Սա է պատճառը, որ մասնագետները հորդորում են ավելի ուշադիր լինել և մտապահել այն պարզ քայլերը, որոնք թույլ կտան ախտորոշել խնդիրն ու միջոցներ ձեռնարկել:

· Առաջին հերթին հարկավոր է խնդրել տուժածին ժպտալ և հետևել նրա դեմքի արտահայտության փոփոխություններին:

· Այնուհետև անհրաժեշտ է նրան որևէ պարզ նախադասություն ասել և խնդրել հստակ կրկնել այդ նախադասությունը:

· Եվ վերջապես հարկավոր է խնդրել նրան բարձրացնել ձեռքերը (երկու ձեռքը):

Եթե տուժածը դժվարանում է կատարել խնդիրանքները, չի կարողանում ժպտալ, բարձրացնել ձեռքերը կամ կապակցված խոսք ասել, ապա հարկավոր է անհապաղ դիմել բժշկին ու նկարագրել բոլոր ախտանշանները:

Գլխուղեղի կաթվածն ախտորոշելու համար կարելի է նաև խնդրեկ տուժածին լեզուն դուրս հանել: Եթե լեզուն ուղիղ չէ, արտասովոր ձև ունի կամ թեքված է մի կողմ, ապա խնդիրը պայմանավորված է գլխուղեղի կաթվածով:

Այս հիվանդության մասին վկայող այլ ախտանշանների շարքին են դասվում կտրուկ թուլությունը, մեկ աչքի տեսողության վատացումը, ուրիշի խոսքը չհասկանալը, սրտխառնոցով ու փսխումով ուղեկցվող կտրուկ ուժգին գլխացավը, տարածության մեջ չկողմնորոշվելը և գիտակցության կորուստը: Այս ախտանշաններին ուշադրություն դարձնելը կօգնի ժամանակին միջոցներ ձեռնարկել և խուսափել լուրջ հետևանքներից:

Նյութի աղբյուրը՝ shkarec.ru