Արդյունավետ ժողովրդական բաղադրատոմս երակների վարիկոզ լայնացումը բուժելու համար

18:20 • 20.03.19

Բաղադրատոմսեր

Երակների վարիկոզ լայնացումն ամենատարածված ու տհաճ խնդիրներից է, որի առաջացմանը նպաստող գործոնների շարքին են դասվում.

· գենետիկ նախատրամադրվածությունը,

· նստակյաց կենսակերպն ու ֆիզիկական ակտիվության պակասը,

· ոտքերի գերծանրաբեռնվածությունը,

· ծերացումը,

· հորմոնալ ֆոնի կտրուկ փոփոխությունը,

· ավելորդ քաշը և այլն:

Սա բավական հաճախ հանդիպող խնդիր է, սակայն բարեբախտաբար կան տարբեր բնական միջոցներ, որոնք օգնում են բուժել երակների վարիկոզ լայնացումն ու կանխել դրա զարգացումը:

Ձեր ուշադրությանն ենք ներկայացնում նման մի ժողովրդական բաղադրատոմս, որը համարվում է այս հիվանդության բուժման լավագույն միջոցներից մեկը: Ի տարբերություն դեղամիջոցների այն պարունակում է միայն բնական բաղադրիչներ, ուստի չի առաջացնում կողմնակի բարդություններ ու ալերգիկ ռեակցիաներ:

Անհրաժեշտ բաղադրիչներն են.

· ½ բաժակ հալվե վերայի գել,

· մի փոքր խնձորի քացախ,

· ½ բաժակ կտրատած գազար:

Պատրաստման եղանակը.

Այս օգտակար դեղամիջոցը պատրաստելու համար հարկավոր է հալվե վերայի գելն ու գազարը կոտորակիչով լավ մանրացնել, այնուհետև ավելացնել այնքան խնձորի քացախ, որ ստացվի համասեռ մածուցիկ զանգված:

Օգտագործման եղանակը.

Ստացված զանգվածը հարկավոր է քսել ախտահարված հատվածներին և թողնել կես ժամ: Այդ ընթացքում ոտերը հարկավոր է մարմնի մակարդակից մի փոքր բարձր պահել: Կարելի է պառկել և ոտքերի տակ բարձ կամ որևէ այլ իր դնել:

Այս պրոցեդուրան հարկավոր է կրկնել ամեն օր, իսկ հնարավորության դեպքում օրական մի քանի անգամ: Շատ կարճ ժամանակ անց դրական փոփոխություններն ակնհայտ կլինեն:

Սակայն հարկ է հիշել, որ առողջական լուրջ խնդիրների և ուժեղ ցավերի դեպքում ցանկացած ժողովրդական միջոց կիրառելուց առաջ հարկավոր է անպայման խորհրդակցել բժշկի հետ, քանի որ ինքնաբուժությունը կարող է խիստ վտանագավոր լինել և էլ ավելի լուրջ խնդիրներ առաջացնել:

Նյութի աղբյուրը՝ budetezdorovy.ru