Բնական օշարակ, որը կօգնի ազատվել հազից ու մաքրել թոքերը կուտակված լորձից

14:26 • 22.03.19

Շնչառական համակարգի հիվանդությունները բավական տարածված են, իսկ դրանց հիմնական ախտանշաններից են հազը և լորձի ու խորխի կուտակումը:

Նման խնդիրների դեպքում բժիշկները սովորաբար հազը մեղմող խորխաբեր միջոցներ են նշանակում, սակայն կա մի բանջարեղեն, որը կօգնի ազատվել այս խնդրից առանց դեղամիջոցների:

Խոսքը գազարի մասին է, որը հարուստ է վիտամին A-ով, բետա-կարոտինով ու մի շարք այլ վիտամիններով ու հանքանյութերով: Այն լավագույն միջոցն է աչքերի ու աղիների առողջության պահպանման, ինչպես նաև իմունային համակարգի ամրապնդման համար: Միևնույն ժամանակ այն շատ արդյունավետ է նաև շնչառական համակարգի հիվանդությունների բուժման համար:

Ձեր ուշադրությանն ենք ներկայացնում գազարով մի օշարակի բաղադրատոմս, որը կօգնի բուժել հազն ու մաքրել թոքերը կուտակված լորձից:

Անհրաժեշտ բաղադրիչներն են.

½ կգ գազար,
ջուր,
3-4 գդալ մեղր:

Պատրաստման եղանակը.

Գազարները մաքրել ու շերտերով կտրատել, այնուհետև ավելացնել մի փոքր ջուր և եփել մինչև գազարը փափկի: Խաշած գազարը լցնել կոտորակիչի մեջ, ավելացնել մեղրը և լավ խառնել, որպեսզի ստացվի համասեռ զանգված:

Եթե օշարակը չափազանց թանձր է ստացվել, ապա կարելի է դրան ավելացնել այն ջրից, որում եփվել է գազարը: Ստացված դեղամիջոցը հարկավոր է պահել սառնարանում:

Օգտագործման եղանակը.

Այս բնական դեղամիջոցը բացարձակապես անվնաս է և չի առաջացնում կողմնակի բարդություններ: Այն հարկավոր է ընդունել օրական 3-4 անգամ մեկական ճաշի գդալ: Բուժումը շարունակել մինչև հազը դադարի անհանգստացնել:

Այս օշարակը կազատի հազից ու խորխից, սակայն հարկ է հիշել, որ առողջական լուրջ խնդիրների և ուժեղ ցավերի դեպքում ցանկացած ժողովրդական միջոց կիրառելուց առաջ հարկավոր է անպայման խորհրդակցել բժշկի հետ, քանի որ ինքնաբուժությունը կարող է խիստ վտանագավոր լինել և էլ ավելի լուրջ խնդիրներ առաջացնել:

Նյութի աղբյուրը՝ budetezdorovy.ru