4 վիտամին, որոնք շատ կարևոր են 45-ն անց կանանց համար

45-50 տարեկան կանանց օրգանիզմում դաշտանադադարի պատճառով մի շարք հորմոնալ փոփոխությունն են տեղի ունենում, որոնք պայմանավորված են ձվարանների աշխատանքի դադարով ու էստրոգենի մակարդակի նվազմամբ: Այս փոփոխությունները բնական են, սակայն դրանք կարող են վտանգավոր լինեն քանի որ բարձրացնում են մի շարք վտանգավոր խնդիրների առաջացման հավանականությունը: Նման փոփոխությունները.

• Խիստ բացասաբար են անդրադառնում ոսկրային համակարգի վրա և կարող են դառնալ ոսկրային զանգվածի նվազման, օսետեոպորոզի զարգացման և անգամ կոտրվածքների պատճառ:
• Բացի այդ, դրանց հետևանքով նվազում է մկանային զանգվածն ու ավելանում են ճարպային հյուսվածքները, ուստի բարձրանում է նաև ավելորդ քաշի կուտակման ու ճարպակալման հավանականությունը:
• Դաշտանադադարից հետո ի հայտ են գալիս նաև բնորոշ ախտանշանները՝ քրտնարտադրությամբ ուղեկցվող ջերմահորդանքները, քնի խանգարումները դյուրագրգիռությունն ու հոգնածությունը:
• Բարձրանում է նաև զարկերակային գերճնշման, գլյուկոզայի փոխանակման ու արյան մակարդման խանգարումների հավանականությունը:
• Ավելորդ քաշի ու «լիպիդային պրոֆիլի» փոփոխության պատճառով կտրուկ բարձրանում է նաև սրտանոթային հիվանդությունների զարգացման հավանականությունը:
• Կոլագենի մակարդակի նվազման հետևանքով մաշկը դառնում է ավելի չոր ու բարակ:
• Բացի այդ, բարձրանում է նաև քաղցկեղի որոշ տեսակների և շաքարային դիաբետի զարգացման հավանականությունը:
• Նման խնդիրներից խուսափելու համար հարկավոր է անպայման հետևել սննդակարգին ու օգտագործել առողջարար մթերք, որը կապահովի օրգանիզմին անհրաժեշտ բոլոր սննդարար տարրերով:

Որոնք են ամենակարևոր վիտամինները 45-ն անց կանանց համար

Վիտամին D

Սա 45-50 տարեկան կանանց համար ամենակարևոր վիտամիններից մեկն է, որը հարկավոր է կալցիումի յուրացման ու ոսկրային հյուսվածքների պահպանման համար: Սա է պատճառը, որ հարկավոր է բավականաչափ ժամանակ անցկացնել արևի ճառագայթների տակ ու պարբերաբար ստուգել այս տարրի մակարդակն օրգանիզմում:

Ֆոլաթթու

Այս վիտամինը հաճախ խորհուրդ է տրվում հղի կանանց, սակայն այն շատ կարևոր է յուրաքանչյուրի համար: Ուսումնասիրությունները ցույց են տվել, որ ֆոլաթթուն նվազեցնում է ԴՆԹ-ի սինթեզի ընթացքում տեղի ունեցող խանգարումների թիվը, ինչի շնորհիվ նվազում է նաև հաստ աղիքի քաղցկեղի զարգացման հավանականությունը:

Վիտամին С

Այս հակաօքսիդանտը շատ կարևոր է օրգանիզմի համար: Այն ամրապնդում է իմունային համակարգն ու երիտադարդացնում մաշկի բջիջները: Բացի այդ, տարբեր ուսումնասիրություններ ցույց են տվել, որ այս վիտամինի գործածությունը նվազեցնում է սրտի իշեմիկ հիվանդության ու քաղցկեղի զարգացման հավանականությունը:

Վիտամին Е

Վիտամին E-ն արյան ու հյուսվածքների վրա հակաօքսիդանտային ազդեցություն է ունենում: Ուսումնասիրությունները ցույց են տվել, որ այս տարրը նվազեցնում է կորոնար խնդիրների առաջացման հավանականությունը և օգնում է կանխել անեմիան, որը հաճախ է հանդիպում ատրոֆիկ գաստրիտից տառապող տարեցների մոտ և ազդում է վիտամին E-ի յուրացման վրա:

Այս վիտամիններն անչափ կարևոր են 45-ն անց կանանց համար, սակայն դրանք վիտամինային հավելումների տեսքով ընդունելու դեպքում հարկավոր է նախապես խորհրդակցել բժշկի հետ գերդոզավորումից ու տհաճ հետևանքներից խուսափելու համար:

Նյութի աղբյուրը՝ budetezdorovy.ru