Տարածված սննդային համադրություններ, որոնք իրականում վնասակար են

12:57 • 02.04.19

Շատերը կարծում են, որ երկու օգտակար մթերք համադրելու դեպքում օրգանիզմը երկու անգամ ավելի շատ օգտակար բաղադրիչներ է ստանում, սակայն երբեմն մարսողության մեխանիզմները օգտակար համադրությունները վերածում են վնասակարի, ինչը կարող է բավական տհաճ հետևանքներ ունենալ:

Ձեր ուշադրությանն ենք ներկայացնում մի քանի հայտնի մթերք, որոնք ոչ մի դեպքում չի կարելի համադրել:

Լոլիկ ու վարունգ. լոլիկն ու վարունգը մարդիկ բավական հաճախ են համադրում աղցաններ պատրաստելիս, մինչդեռ դրանք ցանկալի է ուտել առանձին: Բանն այն է, որ վարունգը հիմնային մթերք է, իսկ լոլիկը՝ թթվային: Այս բանջարեղենները տարբեր կերպ են մարսվում և այդ գործընթացները չեն կարող միաժամանակ տեղի ունենալ: Արդյունքում մարդը բախվում է մարսողական խնդիրների:

Պանրով ու խոզապուխտով ձվածեղ. այս ուտեստը լավագույնն է նախաճաշի համար, սակայն հարկավոր է հիշել, որ դրա բոլոր բաղադրիչներում մեծ քանակությամբ սպիտակուցներ են պարունակվում, որոնց չարաշահումը կարող է առողջական խնդիրներ առաջացնել:

Լոլիկով ու պանրով մակարոնեղեն. թթու մթերքը (լոլիկ) խորհուրդ չի տրվում համադրել օսլա պարունակող ածխաջրային մթերքի հետ (մակարոնեղեն), քանի որ դա կարող է դառնալ մարսողության խանգարման պատճառ: Ընդ որում, այս դեպքում ուտեստին պանիր ավելացնելն էլ ավելի է վատացնում վիճակը:

Մրգային աղանդեր. սնվելուց անմիջապես հետո խորհուրդ չի տրվում թարմ մրգեր ուտել, քանի որ սկզբում ստամոքսը մարսում է յուղոտ ու սպիտակուցային մթերքը: Սա կարող է բավական երկար տևել, և այդ ընթացքում մրգերը կսկսեն խմորվել:

Կաթ ու բանան. սա նույնպես բավական տարածված ու սիրված համադրություն է, սակայն բանանն ու կաթը միասին վատ են մարսվում և ստամոքսում ծանրության զգացում են առաջացնում:

Նյութի աղբյուրը՝ med2.ru