Լավագույն բնական միջոցները երեխայի հիվանդ կոկորդը բուժելու համար

12:12 • 05.04.19

Կոկորդի ցավը բավական տարածված երևույթ է երեխաների շրջանում և հաճախ ծնողները դժվարանում են գտնել ճիշտ բուժումը: Երբեմն դեղամիջոցները հակացուցված են լինում կամ պարզապես ցանկալի արդյունքը չեն ապահովում, ուստի մարդիկ ստիպված են լինում այլընտրանքային տարբերակներ գտնել: Իսրայելցի փորձագետները ներկայացրել են ամենաարդյունավետ բնական միջոցները, որոնք կօգնեն մեղմել ցավն առանց դեղամիջոցների:

Աղաջուր

Սա հիվանդ կոկորդի բուժման ամենատարածված ժողովրդական միջոցներից է: Պարզապես հարկավոր է մեկ թեյի գդալ աղը լուծել մի բաժակ գոլ ջրի մեջ և սովորեցնել երեխային այս լուծույթով կոկորդի ողողումներ անել: Այս պրոցեդուրան կօգնի նաև ազատվել ավելորդ լորձից, ինչը նույնպես բավական տարածված խնդիր է:

Գոլ ըմպելիքներ

Կոկորդի ցավը մեղմելու հիանալի տարբերակներ են նաև գոլ ըմպելիքները: Օրինակ՝ մի բաժակ գոլ թեյը կօգնի մեղմել ցավն ու բուժել կոկորդը: Ընդ որում, կարելի է ընտրել թեյի տարբեր տեսակներ, այդ թվում նաև կիտրոնով, կոճապղպեղով կամ երիցուկով: Պարզապես հարկավոր է, որ երեխան դրանք պարբերաբար խմի:

Հում մեղր

Մեղրն օժտված է հակաօքսիդանտային հատկություներով, ինչի շնորհիվ հիանալի բուժիչ միջոց է կոկորդի ցավի դեպքում: Ընդ որում, այն ոչ միայն մեղմում է կոկորդի ցավը, այլև բուժում է հազը:

Անանուխի յուղ

Այս յուղը պարունակում է օրգանական բաղադրիչ՝ մենթոլ, որը սառեցնում է բորբոքված կոկորդը՝ մեղմելով ցավը: Պարզապես հարկավոր է մի քանի կաթիլ անանուխի յուղ ավելացնել ջրին: Սակայն այս միջոցը հակացուցված է մինչև 8 տարեկան երեխաներին ու հղիներին:

Հանգիստ

Որքան շատ է երեխան հանգստանում, այնքան մեծ է հավանականությունը, որ օրգանիզմն ավելի հեշտ կհաղթահարի ստրեպտոկոկները, որոնք համարվում են կոկորդի ցավի հիմնական պատճառներից մեկը: Հանգիստը խիստ անհրաժեշտ է երեխային բակտերիաներից ազատվելու և կոկորդը բուժելու համար, ուստի հիվանդ ժամանակ դպրոց հաճախելու մասին խորհուրդ է տրվում մոռանալ: Այս դեպքում երեխան ավելի արագ կապաքինվի և մյուսներին չի վարակի:

Նյութի աղբյուրը՝ medikforum.ru