Առողջական 5 խնդիր, որոնց պատճառ կարող է դառնալ թարմ հացը

10:56 • 06.04.19

Թարմ, նոր թխված, բուրավետ հացը գրգռում է ախորժակը` ստիպելով մարդկանց ավելի շատ ուտել, սակայն իրականում այս համեղ ուտեստը կարող է հանգեցնել առողջական լուրջ խնդիրների: Ձեր ուշադրությանն ենք ներկայացնում առողջական այն խնդիրները, որոնց առաջացման պատճառ կարող է դառնալ թարմ հացը:

Կերակրափողի քաղցկեղ

Առհասարակ կերակրափողի քաղցկեղի զարգացման պատճառ կարող է դառնալ ոչ միայն թարմ հացը, այլև առհասարակ նոր պատրաստված ցանկացած մթերք, ինչը պայմանավորված է դրա բարձր ջերմաստիճանով: Ուսումնասիրությունները ցույց են տվել, որ տաք ուտեստներն ու ըմպելիքները բարձրացնում են քաղցկեղի այս տեսակի զարգացման հավանականությունը ութ անգամ:

Խմորում ու միկրոֆլորայի վնասում

Սննդաբանների խոսքով` սպիտակ ալյուրից պատրաստված թարմ հացը անգամ ոչ տաք վիճակում կարող է վտանգավոր լինել` նպաստելով աղեստամոքսային տրակտում հացի օսլայով սնվող վնասակար բակտերիաների ակտիվացմանը: Արդյունքում սկսվում է խմորման գործընթաց, ինչն էլ դառնում է փորափքանքի, որովայնի ցավերի ու մարսողական համակարգում բորբոքումների զարգացման պատճառ:

Ընկճախտ

Թարմ հացի գործածության արդյունքում օրգանիզմը ստանում է մեծ քանակությամբ անպետք ու սննդային արժեք չունեցող մթերք, որոնք, սակայն, հարկավոր է մարսել: Արդյունքում այն կորցնում է օգտակար հանքանյութերն ու վիտամինները, սակայն փոխարենը չի ստանում ոչինչ: Այս կարևոր նյութերի պակասը հաճախ հանգեցնում է դեպրեսիաների զարգացման:

Մարսողական խնդիրներ

Թարմ հաց ուտելիս մարսողական համակարգում խմորի գնդիկներ են առաջանում, որոնք դժվարացնում են մարսողության գործընթացը: Դրանք դժվարությամբ են անցնում մարսողական տրակտով և չեն ենթարկվում մարսողական ֆերմենտների ազդեցությանը, ինչը կարող է հանգեցնել մարսողական խնդիրների և աղիների անանցանելիության զարգացման:

Ավելորդ քաշ

Թարմ հացում պարունակվող խմորիչի սնկերը նպաստում են ճարպային հյուսվածքների կուտակման, մասնավորապես, գոտկատեղի հատվածում: Սա է պատճառը, որ հացը հարկավոր է սահմանափակել և առհասարակ նախապատվությունը տալ առանց խմորիչի ամբողջահատիկ հացին:

Նյութի աղբյուրը` medikforum.ru