5 ախտանշան, որոնք կարող են պայմանավորված լինել գլխուղեղի անոթների անևրիզմով

11:32 • 15.04.19

Գլխուղեղի անոթների անևրիզմը կամ անոթալայնանքը բավական տարածված ու խիստ վտանգավոր խնդիր է, որը կարող է ճակատագրական հետևանքներ ունենալ:

Այս հիվանդությունն անվանում են դանդաղ ազդեցության ռումբ: Այս պաթոլոգիայի դեպքում տեղի է ունենում անոթի տեղային լայնացումը, որը կարող է հանգեցնել ներուղեղային արյունազեղման: Սակայն խնդիրն այն է, որ անևրիզմն ախտորոշելը բավական բարդ է, ուստի հիվանդության սխտանշաններն իմանալը շատ կարևոր է:

Ձեր ուշադրությանն ենք ներկայացնում հինգ ախտանշան, որոնք ոչ մի դեպքում չի կարելի անտեսել: Սա թույլ կտա ժամանակին հայտնաբերել խնդիրն ու միջոցներ ձեռնարկել:

Կտրուկ գլխացավեր

Պարբերաբար կրկնվող կտրուկ ու ուժգին գլխացավերի դեպքում հարկավոր է անհապաղ դիմել բժշկին, քանի որ այն կարող է վկայել անոթալայնանքի մասին: Եթե գլխացավն աստիճանաբար էլ ավելի է ուժգնանում, ապա հարկավոր է անհապաղ շտապօգնություն կանչել, քանի որ դա արդեն կարող է շատ վտանգավոր լինել:

Թուլություն ու մարմնի մի կողմի թմրածություն

Անևրիզմի դեպքում գլխուղեղի արյան շրջանառությունը խանգարվում է, ինչի հետևանքով կենտրոնական նյարդային համակարգը չի կարողանում կառավարել մարմնի բոլոր հատվածները: Մարմնի մի կողմի թմրածությունը շատ լուրջ ախտանշան է, որի դեպքում հարկավոր է անհապաղ դիմել բժշկին:

Տեսողության հետ կապված խնդիրներ

Եթե լայնացած անոթը ճնշում է գործադրում տեսողական նյարդի վրա, ապա կարող են նկատվել անգամ տեսողության հետ կապված խնդիրներ:

Կոպի իջեցում

Կոպի եզրերի կտրուկ իջեցումը (կոպի պտոզ) կարող է լինել ինչպես անևրիզմի ախտանշան, այնպես էլ գլխուղեղի կաթվածի:

Սննդային թունավորման ախտանշաններ

Անևրիզմը կարող է դրսևորվել նաև մարսելախանգարմանն ու թունավորմանը բնորոշ ախտանշաններով՝ սրտխառնոցով, փսխումով ու փորլուծությամբ: Եթե այս ախտանշաններն ի հայտ են գալիս կտրուկ գլխացավի նոպայից հետո, ապա հարկավոր է անմիջապես շտապօգնություն կանչել:

Նյութի աղբյուրը՝ medikforum.ru