5 բնական միջոց մկանային ցավերից ու ջղաձգումներից ազատվելու համար

Մկանային ցավերն ու ջղաձգումները կարող են առաջանալ յուրաքանչյուրի մոտ՝ անկախ սեռից, տարիքից ու ֆիզիկական վիճակից: Դրանք կարող են պայամանավորված լինել ամենատարբեր խնդիրներով, որոնց շարքին են դասվում.

• օրգանիզմի ջրազրկումը,
• հանքանյութերի դեֆիցիտը,
• ալկոհոլի ու ծխախոտի չարաշահումը,
• երիկամային անբավարարությունը,
• կերակրի աղի չարաշահումը,
• հիպոթիրեոզը,
• որոշակի դեղամիջոցների ընդունումը,
• հղիությունն ու դաշտանը:

Ջղաձգումներն ու մկանային ցավերը բավական տհաճ խնդիր են, սակայն կան սննդամթերքի որոշակի տեսակներ, որոնց հաճախակի գործածությունը կամ սննդակարգից բացառելը կօգնի խուսափել նման խնդիրներից: Ձեր ուշադրությանն ենք ներկայացնում դրանցից մի քանիսը

1. Բանան ու կիվի ուտել

Այս մրգերը պարունակում են մեծ քանակությամբ կալիում, ինչի շնորհիվ ամրապնդում են մկաններն ու օգնում են խուսափել լարվածությունից ու մկանային ցավերից: Բացի այդ, դրանք նաև կարգավորում են զարկերակային ճնշումը, ինչը նույնպես շատ կարևոր է: Սակայն ցանկալի արդյունքին հասնելու համար հարկավոր է ուտել դրանք դատարկ ստամոքսին:

2. Խուսափել կենդանական ծագման մթերքից

Մկանային ցավերից խուսափելու համար հարկավոր է խուսափել կենդանական ծագման մթերքից, հատկապես եթե դրանք ճարպոտ են ու վերամշակված: Բանն այն է, որ նման մթերքը սաստկացնում է մկանային ցավերն ու կարծրացնում մկանները, ինչ արդյունքում դրանք ձգվում են՝ բացասաբար ազդելով արյան շրջանառության վրա:

3. Օգտագործել սոճու, հազրեվարդի և ուրցի եթերայուղեր

Ջղաձգումները հաճախ անհանգստացնում են գիշերային ժամերին, ուստի այս յուղերը խորհուրդ է տրվում օգտագործել քնելուց առաջ: Հարկավոր է նախընտրելի եթերայուղին ավելացնել նույն քանակությամբ որևէ այլ բուսայուղ, այնուհետև քսել խառնուրդը մկաններին ու մեղմորեն մերսել:

4. Ջղաձգումները կանխող սմուզի խմել

Այս սմուզին պարունակում է մի շարք օգտակար բաղադրիչներ, որոնք կօգնեն կանխել ցավն ու ջղաձգումները:

Անհրաժեշտ բաղադրիչներն են.

• 1 բաժակ բնական յոգուրտ կամ կեֆիր,
• 1 հատ խնձոր (կտրատած),
• 5 հատ նուշ, որը հարկավոր է 5-8 ժամ թրջել (կարելի է օգտագործել նաև հունական ընկույզ կամ դդմի սերմեր),
• 2 ճաշի գդալ քունջութ,
• ½ բանան:

Պատրաստման եղանակը.

Սմուզին պատրաստելու համար պարզապես հարկավոր է բոլոր բաղադրիչները լցնել կոտորակիչի մեջ և լավ խառնել մինչև ստացվի համասեռ զանգված, այնուհետև խմել այն օրական երկու անգամ:

5. Օգտագործել բուժիչ խառնուրդ

Այս բուժիչ միջոցը պատրաստելու համար պարզապես հարկավոր է 1 ճաշի գդալ ձիթայուղին կամ որևէ այլ բուսայուղին ավելացնել 1 թեյի գդալ մագնեզիումի սուլֆատ և 5 կաթիլ հազրեվարդի եթերայուղ (կարելի է կիրառել նաև նարդոսի, նարնջի կամ թեյի ծառի եթերայուղ): Ստացված խառնուրդը հարկավոր է քսել ջղաձգված մկանին, այդ հատվածը փաթաթել տաք կտորով և թողնել ամբողջ գիշեր:

Նյութի աղբյուրը՝ budetezdorovy.ru