Առողջական ինչ խնդիրների մասին կարող է վկայել աչքերի ցավը

17:53 • 18.04.19

Տեսողության օրգանների հետ կապված խնդիրների կամ հիվանդությունների մասին վկայող առավել տարածված ախտանշանը ցավոտ զգացողություններն են, սակայն ցավը կարող է տարբեր լինել, ուստի դրա առաջացման պատճառները նույնպես կարող են տարբեր լինել:

Այս տեսակները տարբերելը կօգնի հստակ ախտորոշել խնդիրն ու ժամանակին միջոցներ ձեռնարկել, ուստի ձեր ուշադրությանն ենք ներկայացնում աչքերի ցավի ամենատարածված տեսակների հիմնական պատճառները:

1. Բութ ցավ

Բութ ցավը կարող է ի հայտ գալ ինչպես աչքերից մեկում, այնպես էլ երկուսում: Այն վկայում է ներակնային ճնշման բարձրացման մասին, ուստի դրա առկայության դեպքում հարկավոր է անհապաղ դիմել ակնաբույժին: Բանն այն է, որ հենց այս կերպ է սկսում զարգանալ գլաուկոման, որը կարող է հանգեցնել տեսողության կորստի:

2. Մղկտուն ու բաբախուն ցավ

Առավել հաճախ ցավի այս տեսակը վկայում է աչքի մկանների գերլարվածության մասին, որը կարող է պայմանավորված լինել գերհոգնածությամբ: Նման դեպքերում խորհուրդ է տրվում ընդհատել աշխատանքն ու աչքերը հանգստացնող վարժություններ կատարել: Կարելի է նաև մի քանի րոպե պարզապես աչքերը փակել ու հանգստանալ:

Այս ախտանշանը կարող է անկարևոր թվալ, սակայն այն ոչ մի դեպքում չի կարելի անտեսել, քանի որ այն կարող է հանգեցնել տեսողության վատացման:

3. Ծակող ցավ

Ցավի այս տեսակը կարող է վկայել տեսողության օրգաններում օտար մարմնի առկայության մասին, որոնք վնասում են աչքի լորձաթաղանթը: Բացի այդ, ծակող ցավ կարող է առաջանալ քիմիական կամ ջերմային այրվածքների դեպքում, սակայն այս դեպքում այն շատ ավելի ուժգին է լինում:

Աչքերի ցավը կարող է տարբերվել վերոնշյալ տեսակներից, սակայն ցանկացած դեպքում այն չի կարելի անուշադրության մատնել: Ցավոտ զգացողությունների դեպքում հարկավոր է անհապաղ դիմել մասնագետին ու բուժզննում անցնել, քանի որ խնդիրն անտեսելը կարող է հանգեցնել լուրջ հետևանքների:

Նյութի աղբյուրը՝ med2.ru