8 ժողովրդական միջոց եղունգների սնկային հիվանդությունից ազատվելու համար

17:46 • 22.04.19

Եղունգների սնկային հիվանդությունը կամ օնիխոմիկոզը բավական տարածված խնդիր է, որն ախտահարում է ինչպես ոտքերի, այնպես էլ ձեռքերի մատները: Այս խնդրի դեմ պայքարը բավական երկարատև է լինում, իսկ դեղորայքը ոչ բոլորին է հասանելի, սակայն կան նաև բուժման բնական միջոցներ, որոնք ոչ միայն հասանելի են, այլև շատ արդյունավետ: Ձեզ ենք ներկայացնում դրանցից մի քանիսը:

Կիտրոն

Սնկային վարակի դեմ պայքարի լավագույն միջոցներից մեկը կիտրոնն է: Պարզապես հարկավոր է կիտրոնի բարակ շերտերն ամրացնել ախտահարված եղունգին, թողնել ամբողջ գիշեր, իսկ առավոտյան լվանալ ու չորացնել: Կրկնել պրոցեդուրան երկու օրը մեկ մինչև խնդիրը վերանա:

Խնկածաղկի (орегано) եթերայուղ

Մեկ ճաշի գդալ ձիթայուղին ավելացնել 3-4 կաթիլ խնկածաղկի եթերայուղ և ստացված խառնուրդն ամեն օր քսել ախտահարված եղունգներին: Բուժման կուրսը տևում է երեք շաբաթ:

Թեյի ծառի յուղ

Մեկ ճաշի գդալ ձիթայուղին ավելացնել մի քանի կաթիլ թեյի ծառի յուղ և ստացված խառնուրդն օրական մի քանի անգամ քսել ախտահարված եղունգներին: Այս խառնուրդը հարկավոր է օգտագործել երկու օրը մեկ, իսկ բուժման կուրսը տևում է 20-30 օր:

Խնձորի քացախ

5 կաթիլ նարդոսի եթերայուղը խառնել մի բաժակ խնձորի քացախին և ստացված լուծույթն ավելացնել մեծ տարայով ջրին, որն ամբողջությամբ կծածկի ոտնաթաթերը: Այս պրոցեդուրան հարկավոր է կրկնել երկու շաբաթ:

Ջրածնի պերօքսիդ

Ջրածնի պերօքսիդով թրջված բամբակը դնել ախտահարված եղունգին, թողնել 30 րոպե, այնուհետև լվանալ ու լավ չորացնել ոտքերը: Կրկնել պրոցեդուրան ամեն օր: Բուժման կուրսը տևում է երեք շաբաթ:

Կիտրոնով ու յոդով սխտոր

2-3 խոշոր պճեղ սխտորը լավ մանրացնել, ավելացնել մեկ թեյի գդալ կիտրոնի հյութ և 10 կաթիլ յոդ, լավ խառնել ու թրմել մեկ շաբաթ: Ստացված դեղամիջոցը հարկավոր է բարակ շերտով քսել ախտահարված եղունգներին՝ խուսափելով առողջներից: Կրկնել պրոցեդուրան երկու շաբաթ:

Կոկոսյան ընկույզի յուղ

Շատ արդյունավետ կարևող է լինել նաև կոկոսյան ընկույզի յուղը, որը հարկավոր է օրական 2-3 անգամ քսել եղունգին մինչև խնդրի վերանալը: Սնկի բջջաթաղանթը շատ մեծ նշանակություն ունի դրա «կենսունակության» պահպանման համար, ուստի շատ հակասնկային դեղամիջոցներ նախատեսված են հենց այդ թաղանթի քայքայման համար: Կոկոսյան ընկույզի յուղի մեջ պարունակվող ճարպաթթուները բնական ճանապարհով ներթափանցում են սնկերի բջջաթաղանթի մեջ ու վնասում այն, ինչը հանգեցնում է դրա քայքայմանն ու սնկի ոչնչացմանը:

Օշինդր (полынь)

Մի բուռ օշինդրին ավելացնել մի բաժակ եռացող ջուր, ծածկել տարան և թրմել մինչև սառչի: Ստացված թուրմն օրական երկու անգամ քսել ոտքերին կամ եղունգներին, թողնել 20 րոպե և լվանալ ոտքերը: Բուժման կուրսը տևում է 2-3 շաբաթ:

Նյութի աղբյուրը՝ budetezdorovy.ru