Երկու արդյունավետ բնական միջոց լյարդը տոքսիններից մաքրելու համար

18:33 • 25.04.19

Լյարդը շատ կարևոր նշանակություն ունի մարդու օրգանիզմի համար: Այն մաքրում է օրգանիզմը տոքսիններից՝ դրանով իսկ պաշտպանելով տարատեսակ հիվանդություններից: Սակայն անգամ նման կարևոր օրգանը ժամանակ առ ժամանակ ունենում է օգնության կարիք, քանի որ այդ տոքսինները բացասաբար են անդրադառնում նաև լյարդի վրա:

Լյարդը մաքուր պահելու համար հարկավոր է անպայման կարգավորել սննդակարգը, իսկ լուրջ խնդիրների դեպքում օգնության են հասնում համապատասխան դեղամիջոցները: Սակայն խնդիրն այն է, որ նման միջոցները բավական թանկարժեք են և ոչ միշտ են արդյունավետ լինում, ուստի ցանկալի է նախապատվությունը տալ բնական բաղադրիչներին:

Գոյություն ունեն մրգային ու բանջարեղենային սմուզիներ ու բնական արդյունավետ խառնուրդներ, որոնք ոչ միայն շատ արդյունավետ են, այլև հասանելի ու անվնաս, ուստի ձեզ ենք ներկայացնում դրանցից երկուսը:

Առաջին բաղադրատոմսը. օգտակար սմուզի

Անհրաժեշտ բաղադրիչներն են.

նարնջի հյութ,
կիտրոնի հյութ,
մեղր,
մեկ լիտր ջուր,
մի բուռ անանուխ,
կիտրոնի կեղևի քերուկ:

Պատրաստման եղանակը.

Ջուրը դնել կրակին ու եռացնել, այնուհետև ավելացնել անանուխի տերևներն ու եփել 5 րոպե: Վերցնել կաթսան կրակից, թողնել եփուկը սառչի, այնուհետև ավելացնել ցիտրուսային մրգերի հյութերը, կիտրոնի կեղևի քերուկն ու մեղրը:

Երկրորդ բաղադրատոմսը. բնական խառնուրդ

Անհրաժեշտ բաղադրիչներն են.

կիտրոնի հյութ,
ձիթապտղի յուղ:

Պատրաստման եղանակը.

Կես կիտրոնի հյութը քամել, ավելացնել մեկ ճաշի գդալ ձիթայուղ և լավ խառնել: Այս խառնուրդը հարկավոր է օգտագործել ամեն օր նախաճաշից առաջ, իսկ բուժման կուրսը տևում է մեկ ամիս: Այն կբարելավի մարսողությունը, կազատի մուգ պիգմենտային հետքերից, կդարձնի մաշկն ավելի փայլուն և կբարելավի մազերի վիճակն ու էներգիա կհաղորդի:

Այս բնական միջոցները շատ օգտակար են ու արդյունավետ, սակայն հարկ է հիշել, որ առողջական լուրջ խնդիրների և ուժեղ ցավերի դեպքում ցանկացած ժողովրդական միջոց կիրառելուց առաջ հարկավոր է անպայման խորհրդակցել բժշկի հետ, քանի որ ինքնաբուժությունը կարող է խիստ վտանագավոր լինել և էլ ավելի լուրջ խնդիրներ առաջացնել:

Նյութի աղբյուրը՝ budetezdorovy.ru