Տարածված «միֆեր» նորածնի առողջության ու հիգիենայի մասին, որոնց մարդիկ շարունակում են հավատալ

Երեխաների ծննդի հետ կապված կան ոչ միայն մեծ թվով սնահավատություններ, այլև մի շարք «միֆեր»: Ընդ որում, կան բազմաթիվ «միֆեր» երեխաների առողջության ու հիգիենայի մասին, որոնց մարդիկ շարունակում են հավատալ: Ձեր ուշադրությանն ենք ներկայացնում դրանցից ամենատարածվածները:

Ծնվելուց հետո երեխային չի կարելի դիպչել

Համարվում է, որ անմիջապես երեխայի ծննդից հետո նրան հարկավոր է լողացնել, վարակազերծել ու բարուրել, մինչդեռ իրականում դա պարզապես «միֆ» է: Նորածնին նախ զննում է համապատասխան մասնագետն ու մաքրում նրա շնչուղիները, որպեսզի փոքրիկը կարողանա շնչել, ապա երեխայի առաջին ճիչից հետո նրան դնում են մոր որովայնին, որպեսզի երեխան ստանա մոր միկրոֆլորան ու պաշտպանված լինի ներհիվանդանոցային վարակներից: Որոշ դեպքերում մայրն անմիջապես կերակրում է երեխային, որպեսզի նա ստանա իմունոգլոբուլին պարունակող խիժի առաջին կաթիլները, իսկ դա իմունային համակարգի լավագույն պաշտպանությունն է:

Հայրը չի կարող լինել ծննդատանը, եթե ստերիլ չէ

Տարբեր ծննդատներում երեխայի հոր ներկայության համար տարբեր պայմաններ են սահմանվում, ուստի ամեն ինչ շատ հարաբերական է: Բնական է, որ մինչ ծննդաբերությանը ներկա գտնվելը տղամարդը պետք է որոշակի պրոցեդուրաներ անցնի, ուստի այս դեպքում հարկավոր է ուշադրություն դարձնել «ստերիլ» հասկացության ընկալմանը:

Նորածնին հարկավոր է լողացնել կալիումի պերմանգանատի լուծույթում

Սերնդեսերունդ մարդիկ նշում են, որ երեխայի լոգանքի համար նախատեսված ջրին հարկավոր է մի փոքր կալիումի պերմանգանատ ավելացնել, ինչը կպաշտպանի նրան հիվադություններից, սակայն եթե նախկինում ջրի որակը շատ վատն էր և ստիպում էր մարդկանց նման քայլի գնալ, ապա ներկայում սա կարող է վնասակար լինել: Բանն այն է, որ կալիումի պերմանգանատն այդքան էլ անվնաս նյութ չէ և կարող է լուրջ ալերգիաներ առաջացնել ու չորացնել փոքրիկի նուրբ մաշկը:

Նորածնի իրերը հարկավոր է լվանալ 90˚C ջերմաստիճանի ջրով

Իրականում երեխայի իրերը կարելի է լվանալ նաև 40˚C ջերմաստիճանի ջրով՝ օգտագործելով լվացքի ցանցակած միջոց (բացի կոնդիցիոներից): Շատ ավելի կարևոր է ոչ թե ջրի ջերմությունը, այլ այն, թե ինչպես է այն մաքրաջրված: Որպես ախտահանիչ միջոց կարելի է նաև տաք գոլորշիով արդուկ կիրառել:

Նորածնի պորտը հարկավոր է մշակել «ադամանդե կանաչով» (зеленка)

«Ադամանդե կանաչը» ներկանյութ է, որի հիմքում կա վարակազերծիչ ազդեցությամբ օժտված էթիլ սպիրտ, սակայն նորածնի պորտն այս նյութով մշակելու անհրաժեշտություն չկա: Բավական կլինի մշակել այն հասարակ ջրածնի պերօքսիդով ու բժշկական սպիրտով:

Թանկարժեք «շնչող» տակդիրները շատ ավելի լավն են

Համարվում է, որ «գերշնչող» տակդիրներն ավելի լավն են, քան դրանց ավելի մատչելի տարբերակները, սակայն իրականում դա պարզապես ծնողների ենթադրությունն է: Այս դեպքում կարևոր է ոչ թե տակդիրի արժեքն ու որակը, այլ դրա ճիշտ չափսը: Այն չպետք է սեղմի և չպետք է չափազանց լայն լինի: Բացի այդ, հարկավոր է հաշվի առնել, որ նորածինների տակդիրները փոխում են յուրաքանչյուր ժամը մեկ, ուստի նման հսկայական գումարներ վատնելու անհրաժեշտություն չկա:

Նյութի աղբյուրը՝ medikforum.ru