Պարզ ու արդյունավետ բուսական թուրմ ավելորդ քաշից ազատվելու և ավելորդ հեղուկն օրգանիզմից դուրս բերելու համար

Ժամանակակից կյանքի չափազանց արագ ռիթմն ու սթրեսը հանգեցնում են առողջական բազմաթիվ խնդիրների զարգացման, այդ թվում նաև ճարպակալման, քնի խանգարումների, հոգեկան խնդիների և այլն:

Նման խանգարումներից խուսափելու համար հարկավոր է ճիշտ սնվել, լինել ֆիզիկապես ակտիվ և աշխատել հնարավորինս ճիշտ կազմել օրվա գրաֆիկը, սակայն խնդիրն այն է, որ երբեմն ձեռնարկված մեթոդները բավարար չեն լինում ցանկալի արդյունքին հասնելու համար: Այս դեպքում օգնության է հասնում մի հիանալի բնական թեյ, որը հանգստացնում է, մաքրում է օրգանիզմն ու ազատում է ամենատարբեր խնդիրներից:

Այս թեյն օժտված է հակաօքսիդանտային հատկություններով, ինչպես նաև հիանալի միջոց է մարսողությունը խթանելու համար: Իր այս օգտակար հատկությունների շնորհիվ այն օգնում է ավելի հեշտ յուրացնել սնունդն ու ազատվել ավելորդ քաշից:

Բացի այդ, այս բուսական թեյը հիանալի հանգստացնող միջոց է, ինչը շատ կարևոր է նիհարել ցանկացողների համար: Այն կարգավորում է քունը և օգնում է հանգստանալ ու քիչ անհանգստանալ, ինչի շնորհիվ մարդը չի փորձում բարելավել ինքնազգացողությունը բարձր կալորիականությամբ սննդի ու քաղցրավենիքի միջոցով:

Այս օգտակար թեյը վերահսկողության տակ է պահում մարդու ախորժակը, նպաստում է արյան մեջ շաքարի մակարդակի նվազմանը, կանխում է հիպերգլիկեմիան, բարելավում է նյութափոխանակությունն ու դուրս է բերում ավելորդ հեղուկն ու տոքսիններն օրգանիզմից: Իր այս օգտակար հատկությունների շնորհիվ այն ոչ միայն նպաստում է քաշի նվազմանը, այլև պաշտպանում է առողջական ամենատարբեր խնդիրներից:

Թեյի պատրաստման եղանակը.

Այս բուսական թեյը պատրաստելու համար հարկավոր է ընդամենը մի քանի բաղադրիչ: Անհրաժեշտ է խառնել 1 թեյի գդալ խատուտիկի ծաղիկները (կամ արմատը), 1 թեյի գդալ երիցուկն ու մի պտղունց հոռոմ-սամիթի սերմերը, ավելացնել խառնուրդին 1 լիտր եռման ջուր ու թրմել 30-40 րոպե:

Այս թուրմն անհրաժեշտ է խմել ուտելուց 10-15 րոպե առաջ մեկ բաժակ: Այն կօգնի մեղմել քաղցի զգացումն ու կանխել սննդի չարաշահումը: Բացի այդ, այս թուրմը կկարգավորի արյան մեջ շաքարի մակարդակը և կկանխի դրա տատանումները:

Եվս մի բաժակ թուրմ խորհուրդ է տրվում խմել քնելուց առաջ: Սա կօգնի հանգստանալ ու կարգավորել քունը, ինչը շատ կարևոր է ընդհանուր ինքնազգացողության ու առողջական վիճակի բարելավման, ինչպես նաև ավելորդ քաշի նվազման համար:

Այս թուրմը հիանալի միջոց է ինչպես հանգստանալու, այնպես էլ տարատեսակ խնդիրներից ազատվելու համար: Օրական ընդամենը երկու բաժակը բավական կլինի դրական արդյունքի հասնելու համար, սակայն ցանկության դեպքում կարելի է օրական խմել մինչև 4 բաժակ թեյ:

Նյութի աղբյուրը՝ budetezdorovy.ru