Պարզ ժողովրդական միջոց մեջքի բշտիկներից ազատվելու համար

Տարվա շոգ եղանակին բավական տարածված խնդիր են դառնում մեջքի բշտիկները, որոնցից ոչ միշտ է հաջողվում ազատվել հատուկ միջոցների օգնությամբ: Սակայն բարեբախտաբար կա մի հիանալի ժողովրդական բաղադրատոմս, որը կօգնի հեշտությամբ լուծել այս խնդիրն ու ազատվել բշտիկներից:

Այս արդյունավետ միջոցի հիմնական բաղադրիչն աղն է, որը մեղմորեն մաքրում է մաշկը մահացած բջիջներից ու կանխում է ծակոտիների խցանումը: Բացի այդ, այն օժտված է հակասեպտիկ ու հակաբակտերիալ հատկություններով, ինչի շնորհիվ հիանալի միջոց է մաշկի մաքրության պահպանման ու բշտիկների բուժման համար:

Այս միջոցի կիրառման համար հարկավոր է ծովի աղը կամ հիմալայան աղը համադրել մաշկը սնուցող ու բորբոքումները բուժող այլ բաղադրիչների հետ, որոնք կօգնեն արագացնել ապաքինման գործընթացը:

Այդ բաղադրիչների շարքին են դասվում յուղերն ու խոտաբույսերը: Յուղերից առավել արդյունավետ են ձիթայուղը, կոկոսյան ընկույզի յուղը, նշի յուղը, ժոժոբայի յուղն ու ավոկադոյի յուղը, մինչդեռ բույսերից խորհուրդ է տրվում նախապատվությունը տալ վաղենակին, եղեսպակին, քաղցրարմատին, երիցուկին, ծիծեռնախոտին ու խատուտիկին: Հարկ է հիշել, որ մինչ դեղամիջոցը պատրաստելը բույսերը հարկավոր է մանրացնել:

Այս դեղամիջոցն արդյունավետ կերպով ակտիվացնում է արյան ու ավշի շրջանառությունը, ինչպես նաև օրգանիզմը տոքսիններից ու ավելորդ հեղուկից մաքրելու գործընթացը: Այն հիանալի միջոց է ոչ միայն բշտիկներից, այլև ցելյուլիտից և մեջքի ու պարանոցի ցավերից ազատվելու համար:

Անհրաժեշտ բաղադրիչներն են.

2 ճաշի գդալ աղ,

1 ճաշի գդալ յուղ,

2 ճաշի գդալ մանրացրած դեղաբույսեր:

Օգտագործման եղանակը.

Հարկավոր է բոլոր բաղադրիչները խառնել, այնուհետև նուրբ շարժումներով քսել խոնավ մաշկին: Ոչ մի դեպքում չի կարելի ուժ գործադրել, քանի որ դա կարող է հանգեցնել մաշկի վնասվածքների: Դեղամիջոցը հարկավոր է թողնել 5-7 րոպե, այնուհետև լվանալ մեծ քանակությամբ գոլ ջրով:

Այս ժողովրդական միջոցը խորհուրդ է տրվում կիրառել շաբաթական երկու անգամ մինչև բշտիկների անհետանալը, որից հետո այն կարելի է օգտագործել 7-10 օրը մեկ, որպես կանխարգելիչ միջոց: Ցանկության դեպքում այս խառնուրդին կարելի է ավելացնել նաև մեղր, աղացած սուրճ ու շաքարավազ:

Բացի այդ, խորհուրդ է տրվում նաև պարբերաբար ծովի աղով, կերակրի սոդայով ու բուսական թուրմերով լոգանք ընդունել: Հատկապես արդյունավետ է եղեսպակի թուրմը, որը նվազեցնում է քրտնարտադրությունն ու արագացնում է մաշկի ապաքինումը:

Նյութի աղբյուրը՝ budetezdorovy.ru