Համեղ ու օգտակար թուրմ լյարդի բորբոքումը բուժելու և օրգանի աշխատանքը խթանելու համար

Լյարդը մարդու ամենակարևոր օրգաններից մեկն է, ուստի դրա հետ կապված ցանկացած խնդիր անմիջապես անդրադառնում է ամբողջ օրգանիզմի վրա: Այս օրգանի ամենատարածված ախտաբանություններից մեկը բորբոքումն է, որը կարող է բազմաթիվ տհաճ զգացողություններ առաջացնել: Լյարդի բորբոքման ամենատարածված ախտանշաններն են.

մկանային ցավերը,

լյարդի հատվածում տհաճ զգացողությունները,

փսխումը կամ գլխապտույտները,

մեզի կամ կղանքի գույնի փոփոխությունները,

մաշկի գույնի փոփոխությունները (դեղնավուն երանգը):

Նշված ախտանշանների առկայության դեպքում մարդիկ հաճախ են անհանգստանում ու խուճապի մատնվում, սակայն կա մի պարզ ու արդյունավետ բնական միջոց, որը կօգնի հեշտությամբ ազատվել բորբոքումից:

Գոյություն ունեն որոշակի բույսեր, որոնք շատ օգտակար են լյարդի համար, ուստի դրանց գործածությունը կարող է շատ արդյունավետ լինել: Նման բույսերի շարքին են դասվում.

Կաթնափուշի սերմերը. սա ամենահայտնի դեղաբույսերից է: ԱՅն պարունակում է բաղադրիչներ, որոնք կարգավորում ու խթանում են լյարդի ու լեղապարկի աշխատանքը:

Խատուտիկի արմատը. այս արմատը հիանալի միզամուղ, մաքրող ու հակաբորբոքային միջոց է:

Կանաչ թեյն ու անանուխի տերևները. հիանալի բաղադրիչներ են ցանկացած բուժիչ միջոցի համար:

Քեմոնի սերմերը. այս հզոր սերմերը խթանում են ենթաստամոքսային գեղձի ֆերմենտների արտադրությունը, իսկ այս միացություններն անհրաժեշտ են ճիշտ մարսողության ու սննդարար նյութերի յուրացման համար:

Քաղցրարմատը. բնական հակաբորբոքային միջոց է, որը պաշտպանում է լյարդը:

Այս բույսերը կարելի է կիրառել լյարդի բորբոքումից և մի շարք այլ խնդիրներից ազատվելու համար: Հարկավոր է դրանք հավասար քանակությամբ խառնել, այնուհետև ստացված խառնուրդից 2 ճաշի գդալ լցնել թերմոսի մեջ, ավելացնել 1 լիտր եռման ջուր և թրմել 30-40 րոպե: Օրվա ընթացքում կարելի է խմել մինչև 4 բաժակ թուրմ՝ ավելացնելով մեղր կամ մեղրախոտ:

Եթե նշված դեղաբույսերը ոչ բոլորն են առկա, ապա կարելի է խառնուրդը պատրաստել 2-3 բույսով կամ առհասարակ օգտագործել միայն մեկը: Ցանկության դեպքում թուրմին կարելի է նաև կիտրոնի հյութ ավելացնել, որը նույնպես հիանալի հակաբորբոքային ու մաքրող միջոց է, ինչպես նաև հզոր հակաօքսիդանտ:

Նյութի աղբյուրը՝ budetezdorovy.ru