Ինչպես ընդամենը մի քանի րոպեում ազատվել ոտքերի ցավից ու այտուցներից

Ոտքերի ցավը, հոգնածությունն ու ծանրության զգացումը բավական տարածված խնդիր են, հատկապես անհարմար կոշիկ կրելու դեպքում կամ երկարատև զբոսանքներից հետո, սակայն բարեբախտաբար կան արդյունավետ միջոցներ, որոնք օգնում են մեղմել ցավն ու ազատվել այտուցներից՝առանց մեծ ջանքեր գործադրելու:

Ծովի աղով միջոց

Ոտքերի ցավը մեղմելու լավագույն միջոցներից մեկը ծովի աղն է, որն օժտված է հակասեպտիկ, հակաբակտերիալ ու հակաբորբոքային հատկություններով: Այն օգնում է ընդամենը մի քանի րոպեում ազատվել այտուցից ու մեղմել ցավը:

Անհրաժեշտ բաղադրիչներն են.

2 ճաշի գդալ ծովի աղ,

մի փոքր նշի յուղ,

գոլ ջուր:

Օգտագործման եղանակը.

Աղը լուծել գոլ ջրում, ավելացնել նշի յուղն ու 15-20 րոպե ոտքերը դնել այդ լուծույթի մեջ:

Պղպեղով միջոց

Շատ հաճախ ոտքերի ցավը պայմանավորված է լինում բարձրակրունկներով, սակայն անգամ այս դեպքում խնդրից կարելի է հեշտությամբ ազատվել մի պարզ միջոցի օգնությամբ:

Անհրաժեշտ բաղադրիչներն են.

1 թեյի գդալ աղացած կծու կարմիր պղպեղ,

մի քանի կաթիլ անանուխի եթերայուղ,

1 լիտր տաք ջուր:

Օգտագործման եղանակը.

Պղպեղն ու ջուրը խառնել, թողնել մոտ 10 րոպե, այնուհետև ավելացնել մի քանի կաթիլ եթերայուղ և ոտքերը 7-10 րոպե դնել այդ խառնուրդի մեջ:

Այս միջոցն օգնում է հանգստացնել մկանները, ակտիվացնում է արյան շրջանառությունն ու օգնում է ազատվել ոտքերի ցավից ընդամենը մի քանի րոպեում:

Ոտքերի ցավի դեմ պայքարի այլ միջոցներ.

Ոտքերի հոգնածության, այտուցների ու ցավի դեմ պայքարի հիանալի միջոց կարող է լինել նաև մեխակի եթերայուղը: Իր բույրի ու յուրահատուկ հատկությունների շնորհիվ այս յուղն օգնում է հանգստացնել նյարդերն ու մկանները և մեղմել ցավը:

Բացի այդ, կարելի է նաև պարբերաբար մի քանի րոպե մերսել ոտքերը հազրեվարդի յուղով: Այս յուղն օժտված է հակաբորբոքային հատկություններով և իր յուրահատուկ բույրի շնորհիվ հիանալի միջոց է մարմինն ու միտքը հանգստացնելու համար:

Շատ արդյունավետ է նաև կոնտրաստային ցնցուղը, ուստի կարելի է 3-5 րոպե պարբերաբար ցողել ոտքերը սառը և տաք ջրով: Հարկ է նաև հիշել, որ ցավից ու այտուցներից խուսափելու համար հարկավոր է կրել միայն հարմարավետ կոշիկ ու օգտագործել խնամքի բնական միջոցներ:

Նյութի աղբյուրը՝ budetezdorovy.ru