Ամենաարդյունավետ միջոցները հերպեսի դեմ պայքարի համար

Հերպեսը բավական տարածված հիվանդություն է, որն առավել հաճախ ախտահարում է շուրթերը: Սա բավական տհաճ խնդիր է, որը նաև բազում բացասական հույզեր է առաջացնում, ուստի զարմանալի չէ, որ մարդիկ փորձում են հնարավորինս շուտ ազատվել դրանից:

Հերպեսը դրսևորվում է հեղուկով լցված բշտիկների տեսքով, որոնք քոր ու այրոց են առաջացնում, սակայն շատ քչերը գիտեն, թե իրականում ինչ հիվանդություն է սա: Հաճախ հերպեսն ի հայտ է գալիս գերսառեցումից կամ սուր շնչառական հիվանդություններից հետո, ինչի պատճառով մարդիկ այն անվանում են նաև «մրսածություն», սակայն այս հիվանդության հարուցիչը վիրուս է, որի դեմ ոչ միշտ է իմունային համակարգը կարողանում պայքարել:

Բշտիկների առաջացմանը նպաստում է օրգանիզմի պաշտպանական գործառույթների թուլացումն ու վիրուսի ակտիվացումը: Խնդրից հնարավորինս արագ ազատվելու համար հարկավոր է միջոցներ ձեռնարկել հիվանդության առաջին իսկ ախտանշանների ի հայտ գալուն պես:

Առաջին հերթին հարկ է հիշել, որ հեղուկով լցված բշտիկները ոչ մի դեպքում չի կարելի սեղմել կամ ծակել: Փոխարենը հարկավոր է անհապաղ ախտահարված հատվածը մշակել հակասեպտիկ միջոցով: Հատկապես օգտակար են այն դեղամիջոցները, որոնք արգելակում են բշտիկների զարգացումը: Որպես այլընտրանքային տարբերակ շատ արդյունավետ կարող է լինել կիտրոնը, ուստի կարելի է մաշկին մի կտոր կիտրոն դնել, որի թթու միջավայրը կոչնչացնի բակտերիաների մեծ մասը:

Հերպեսի դեմ պայքարի շատ արդյունավետ միջոց կարող է լինել նաև եղեսպակը (шалфей): Պարզապես հարկավոր է այս բույսի եփուկով թրջած բամբակը դնել ախտահարված մաշկին ու թողնել 20 րոպե:

Ոչ պակաս արդյունավետ է նաև անանուխի թուրմը: Բանն այն է, որ հերպեսը վատ է «արձագանքում» սպիրտի ու մենթոլի առկայությանը, իսկ դրանք այս թուրմի հիմնական բաղադրիչներից են: Որպես այլընտրանքային արդյունավետ միջոց կարելի է անգամ ատամի մածուկ կամ բերանի խոռոչի ողողման համար նախատեսված հեղուկ կիրառել, քանի որ դրանց բաղադրության մեջ նույնպես մենթոլ է պարունակվում:

Հիանալի ժողովրդական միջոց է նաև խնձորի ու սխտորի համադրությունը: Հարկավոր է մեկ սխտորն ու երկու պճեղ սխտորը քերիչով մանրացնել ու լավ տրորել, այնուհետև ստացված մածուկն օրական չորս անգամ քսել ախտահարված հատվածին մինչև բշտիկներն անհետանան:

Հերպեսի դեմ լավագույն բնական միջոցներից են նաև հալվեն ու սոխը: Կարելի է ախտարաված հատվածին մի շերտ հալվեի տերև կամ սոխ դնել, ինչպես նաև կիրառել այդ բույսերի հյութը կոմպրեսների տեսքով:

Նյութի աղբյուրը՝ budetezdorovy.ru