Համեղ ու օգտակար կոկտեյլ անեմիայից ազատվելու և սրտանոթային համակարգն ամրապնդելու համար

12:26 • 25.05.19

Անեմիան (սակավարյունություն) ու սրտանոթային համակարգի հիվանդությունները բավական տարածված են, ուստի դրանցից խուսափելու համար հարկավոր է օր առաջ միջոցներ ձեռնարկել: Ձեր ուշադրությանն ենք ներկայացնում մի համեղ ու օգտակար կոկտեյլ, որն իր յուրահատուկ բաղադրության շնորհիվ օգնում է ազատվել անեմիայից ու կանխում է սրտանոթային հիվանդությունների զարգացումը:

Այս կոկտեյլը շատ պարզ է ու հասանելի: Այն նաև հիանալի միջոց է օրգանիզմը մաքրելու և ավելորդ քաշից ազատվելու համար: Կոկտեյլը հարուստ է մանրաթելերով ու վիտամիններով, ուստի սնուցում է, տոնուս է հաղորդում ու առույգացնում է: Սա է պատճառը, որ այն խորհուրդ է տրվում ընդունել առավոտյան նախաճաշի փոխարեն:

Կոկտեյլի պատրաստման համար հարկավոր է.

2 հատ բանան,

3 հատ ելակ,

1 գդալ մեղր,

170 գրամ ջուր,

2 կտոր սառույց (ըստ ցանկության):

Պատրաստման եղանակը.

Այս յուրահատուկ ու առողջարար ըմպելիքի պատրաստման համար պարզապես հարկավոր է նշված բոլոր բաղադրիչները լցնել կոտորակիչի մեջ և լավ խառնել մինչև ստացվի համասեռ զանգված:

Այս կոկտեյլը ոչ միայն համեղ է, այլև շատ օգտակար: Այն էներգիա է հաղորդում, բարելավում է իմունային համակարգի աշխատանքը, հարստացնում է օրգանիզմը վիտամիններով, բարձրացնում է դիմադրողականությունը և օգնում է ազատվել ավելորդ քաշից: Բացի այդ, կոկտեյլի պատրաստման համար կիրառվող մրգերը պարունակում են հակաօքսիդանտներ, որոնք շատ օգտակար են և օգնում են պայքարել ազատ ռադիկալների դեմ:

Սակայն հարկավոր է հաշվի առնել, որ կոկտեյլի որոշ բաղադրիչներ կարող են ալերգիկ ռեակցիա առաջացնել, ուստի հարկավոր է ուշադիր լինել: Բացի այդ, առողջական լուրջ խնդիրների դեպքում այս ըմպելիքը չի կարող դեղամիջոցներին փոխարինող միջոց լինել, ուստի հարկավոր է անպայման դիմել մասնագետին և հետևել նրա բոլոր ցուցումներին:

Նյութի աղբյուրը՝ budetezdorovy.ru