Արդյունավետ բնական միջոց ռևմատիզմից, միզուղիների վարակներից ու երիկամների հիվանդություններից ազատվելու համար

17:29 • 29.05.19

Կեչու տերևները մարդկությանը դեռ վաղուց հայտնի են, որպես արդյունավետ դեղամիջոց, որն իր մեղմ միզամուղ հատկությունների շնորհիվ օգնում է ազատվել միզուղիների ու երիկամների հիվանդություններից:

Բացի այդ, այն մեղմում է ռևմատիկ ցավերը, հագեցնում է օրգանիզմը վիտամին C-ով և այլ օգտակար տարրերով, ինչպես նաև օժտված է որդամուղ հատկություններով, ինչի շնորհիվ մաքրում է օրգանիզմը մակաբույծներից:

Այս ծառի տերևների ու կեղևի բուժիչ ազդեցությունը պայմանավորված է դրանց մեջ պարունակվող ֆլավոնոիդներով, ֆենոլային թթուներով, եռտերպենի բարդ եթերներով, աղաղանյութերով ու եթերայուղերով:

Միզուղիների բորբոքային հիվանդություններից ու երիկամների հիվանդություններից ազատվելու համար որպես կանոն կիրառվում է կեչու տերևների թուրմը, որը պատրաստելու համար հարկավոր է 2-3 գրամ մանր կտրատած տերևները 10-15 րոպե թրմել 150 մլ ջրում, այնուհետև քամել:

Հիվանդություններից ազատվելու համար այս թուրմը հարկավոր է խմել օրական մի քանի անգամ, սակայն հարկ է հիշել, որ կեչու տերևների օրական առավելագույն չափաբաժինը 12 գրամն է:

Բացի նշված բաղադրատոմսից, կեչու տերևներ կարելի է համադրել նաև այլ դեղաբույսերի հետ, ինչպիսին են եղինջն ու լորենին, ինչը կօգնի հասնել էլ ավելի լավ արդյունքի:

Կեչու տերևներով բուժման ընթացքում հարկավոր է անպայման օրական առնվազն երկու լիտր ջուր խմել, քանի որ միզուղիները կարելի է մաքրել միայն այդ կերպ:

Հարկ է հիշել, որ սրտային կամ երիկամային անբավարարության հետևանքով առաջացած այտուցների դեպքում այս թերապիան հակացուցված է: Բացի այդ, այն հակացուցված է միզուղիների ֆեբրիլ վարակների և շագանակագեղձի սուր բորբոքման դեպքում, ուստի հարկավոր է շատ ուշադիր լինել:

Կեչու տերևները ճիշտ օգտագործելու դեպքում որևէ կողմնակի բարդություն չեն առաջացնում: Միայն հազվադեպ իրավիճակներում աղեստամոքսային տրակտում կարող են ի հայտ գալ աննշան տհաճ զգացողություններ:

Նյութի աղբյուրը՝ budetezdorovy.ru