Լավագույն բնական միջոցները փորափքանքից ու այտուցներից ազատվելու համար

Փորափքանքն ու այտուցները ոչ միայն բավական տհաճ խնդիր են, այլև երբեմն շատ ցավոտ: Որպես կանոն այս խնդիրները պայմանավորված են լինում տարբեր գործոններով, որոնց թվում են սթրեսը, ստամոքսի աշխատանքի խանգարումը, գազի կուտակումը, որևէ սննդի նկատմամբ օրգանիզմի անհանդուրժողականությունը և այլն:

Բարեբախտաբար գոյություն ունեն բազմաթիվ արդյունավետ միջոցներ, որոնք ճիշտ գործածության դեպքում օգնում են ազատվել փորափքանքից, այտուցներից ու ծանրության զգացումից: Ձեր ուշադրությանն ենք ներկայացնում դրանցից մի քանիսը:

Կոճապղպեղ

Կոճապղպեղը փորափքանքի դեմ պայքարի ամենաարդյունավետ միջոցներից է, որը կարելի է ներառել առօրյա սննդակարգում: Պարզապես հարկավոր է ուտելու ընթացքում օրական 1-3 անգամ ¼ թեյի գդալ քերիչով մանրացրած թարմ կոճապղպեղ օգտագործել: Ընդ որում, այս միջոցը կօգնի ազատվել ոչ միայն փորափքանքից, այլև առողջական ամենատարբեր խնդիրներից:

Երիցուկով թեյ

Երիցուկն օգտագործվում է տարբեր համեղ ըմպելիքների պատրաստման համար: Այս բույսն օժտված է հակաբորբոքային ու մարսողությունը բարելավող հատկություններով: Օրական ընդամենը մի բաժակ երիցուկով թեյը կօգնի կանխել գազերի կուտակումն ու ազատվել ծանրության զգացումից ու փորափքանքից: Եթե թեյի համը շատ տհաճ է, ապա դրան կարելի է անանուխի տերևներ կան հունական ընկույզի տերևներ ավելացնել:

Ցեյլոնյան դարչնով թեյ

Դարչնով թեյը շատ օգտակար է կանանց առողջության համար, քանի որ օգնում է մեղմել դաշտանային ցավերը: Բացի այդ, այս թեյն ամենաօգտակար միջոցներից է փորափքանքից, ավելորդ քաշից ու այտուցներից ազատվելու, ինչպես նաև գազերի կուտակումը կանխելու համար:

Կիտրոնով ջուր

Այս ըմպելիքը ոչ միայն շատ համեղ է ու թարմացնող, այլև համարվում է ամենապարզ ու արդյունավետ միջոցներից մեկը փորափքանքից ազատվելու համար: Կիտրոնով ջուրը բարելավում է մարսողությունն ու նվազեցնում է կուտակվող գազերի մակարդակը: Բացի այդ, այն խթանում է լեղու արտադրությունը, որը շատ կարևոր է մարսողության գործընթացի համար:

Մրգեր

Արքայախնձորը, կիվին ու պապայան շատ համեղ ու օգտակար մրգեր են, որոնք օգնում են արագացնել մարսողության գործընթացն ու խուսափել փորափքանքից:

Անիսոնով թեյ

Անիսոնն օգնում է կանխել գազերի կուտակումն ու փորափքանքը: Թեյը պատրաստելու համար պարզապես հարկավոր է 1 գդալ աստղաձև անիսոնի սերմերին ավելացնել մի բաժակ տաք ջուր ու թրմել 20-30 րոպե:

Խորհուրդներ փորափքանքից խուսափելու համար

Այս տհաճ խնդրից խուսափելու համար հարկավոր է առաջին հերթին խուսափել դրա առաջացման պատճառներից: Նախևառաջ անհրաժեշտ է բացառել գազավորված ըմպելիքները, որոնք համարվում են փորափքանքի հիմնական պատճառներից մեկը:

Կաթնաշաքարի (լակտոզա) կամ սնձանի (գլյուտեն) նկատմամբ օրգանիզմի անհանդուրժողականության դեպքում հարկավոր է խուսափել այս տարրերը պարունակող մթերքից: Նման դեպքերում խորհուրդ է տրվում փոխարինել դրանք այլ բաղադրիչներով, որոնք չեն առաջացնի տհաճ ախտանշաններ:

Բացի այդ, հարկավոր է սահմանափակել նաև տապակած ու վերամշակում անցած մթերքի գործածությունը, քանի որ նման մթերքը նույնպես կարող է դառնալ փորափքանքի պատճառ:

Նյութի աղբյուրը՝ budetezdorovy.ru