3 արտասովոր գործոն, որոնք նպաստում են շաքարային դիաբետի զարգացմանը

16:04 • 11.06.19

Շաքարային դիաբետը ներկայում ամենավտանգավոր հիվանդություններից է, որի դեմ պայքարում են միլիոնավոր մարդիկ, սակայն քչերը գիտեն, թե ինչն է բարձրացնում այս հիվանդության զարգացման հավանականությունը: Սննդի հարցերով զբաղվող ամերիկյան ընկերակցության մասնագետները վերլուծել են մի քանի լայնամասշտաբ հետազոտության արդյունքներն ու պարզել, թե ժամանակակից մարդու սննդակարգում ինչը կարող է դառնալ շաքարային դիաբետի զարգացման պատճառ: Մասնագետների հետազոտության արդյունքը ներկայացրել է Medicalxpres-ը:

Վիտամին В12-ի գերդոզավորում

Այս վիտամինի հիմնական աղբյուրներն են մսամթերքը՝ տավարի միսը, լյարդը, գառան միսը, սաղմոնը, սարդինաները և այլն: Դրանք համարվում են օգտակար մթերք, սակայն մասնագետները նշում են, որ վիտամին B12-ով հարուստ մթերքի գործածությունը համարվում է երկրորդ տիպի շաքարային դիաբետի զարգացմանը նպաստող գործոններից մեկը: Այս վիտամինը շատ կարևոր է օրգանիզմի համար, իսկ դրա պակասը կարող է հանգեցնել նյարդայնության, դեպրեսիաների, վերջույթների թմրածության, սրտի զարկերի արագացման, հոգնածության, ագրեսիայի կամ անտարբերության, ինչպես նաև հիշողության հետ կապված խնդիրների զարգացման: Այնուամենայնիվ, այս տարրի մակարդակը հարկավոր է «հավասարակշռել» В2 և В6 վիտամինների գործածության միջոցով:

Սննդամթերքի գործածության սխալ հերթականություն

Մասնագետների խոսքով՝ ճաշի կամ ընթրիքի ընթացքում հարկավոր է հետևել ուտեստների ընդունման հերթականությանը: Առաջին հերթին հարկավոր է ուտել բանջարեղենը, որից հետո մսով խավարտը: Այս հերթականությունը թույլ կտա օրգանիզմին վերահսկողության տակ պահել արյան մեջ շաքարի մակարդակը, ինչպես նաև կօգնի ավելի շուտ հագենալ՝ խուսափելով քաշի ավելացումից: Արյան մեջ շաքարի մակարդակի բարձրացումն ու ճարպերի կուտակումը համարվում են շաքարային դիաբետի զարգացման հիմնական պատճառները, ուստի այս գործոններից ազատվելը կօգնի պաշտպանվել հիվանդությունից:

Անկանոն սննդակարգ

Շաքարային դիաբետի զարգացման հավանականությունը բարձրացնում է նաև անկանոն սննդակարգը, որի դեպքում մարդը սնվում է միայն բուսական մթերքով կամ միայն մսամթերքով: Այս հիվանդության կանխարգելման համար սննդակարգը պետք է բավական բազմազան ու ճիշտ մշակված լինի: Գիտնականները պարզել են, որ մսամթերքով, բանջարեղենով ու կաթնամթերքով հարուստ սննդակարգն օգնում է նվազեցնել շաքարային դիաբետի զարգացման հավանականությունը 60%-ով: Ընդ որում՝ բուսական մթերքը պետք է կազմի ամբողջ չափաբաժնի 50%-ը:

Նյութի աղբյուրը՝ medikforum.ru