7 փաստ զարկերակային գերճնշման մասին, որոնք պետք է իմանա յուրաքանչյուրը

Զարկերակային բարձր ճնշումն ամենատարածված հիվանդություններից է: Վիճակագրական տվյալներով՝ այս խնդրով տառապում է յուրաքանչյուր երրորդ հասուն մարդը, ուստի դրա մասին կարևորագույն փաստերն իմանալն անհրաժեշտություն է:

Ձեր ուշադրությանն ենք ներկայացնում 7 կարևոր փաստ զարկերակային գերճնշման մասին:

Աթերոսկլերոզ ու թանձր արյուն

Անոթների աթերոսկլերոզն ու թանձր արյունը հաճախ են հանգեցնում զարկերակային գերճնշման: Միևնույն ժամանակ աթերոսկլերոզն ու զարկերակային գերճնշումը փոխկապակցված են, և մեկի առկայությունը բարձրացնում է նաև մյուսի զարգացման հավանականությունը: Սա է պատճառը, որ հարկավոր է անպայման վերահսկողության տակ պահել արյան մեջ խոլեստերինի մակարդակը: Մասնագետներն ընդգծում են, որ խոլեստերինի մակարդակի բարեձրացումը հանգեցնում է ոչ միայն աթերոսկլերոզի, այլև մի շարք այլ վտանգավոր խնդիրների զարգացման, ուստի հարկավոր է կարգավորել սննդակարգը, ազատվել ավելորդ քաշից, լինել ֆիզիկապես ակտիվ, խուսափել սթրեսներից և հրաժարվել ծխախոտից ու ալկոհոլից:

Գենդերային առանձնահատկություններ

Վիճակագրությունը ցույց է տվել, որ մինչև 45 տարեկան կանայք ավելի հազվադեպ են բախվում զարկերակային գերճնշուման, գլխուղեղի կաթվածի ու սրտամկանի ինֆարկտի խնդրին, քան նույն տարիքի տղամարդիկ: Միևնույն ժամանակ 65 տարեկանից բարձր կանանց մոտ շատ ավելի հաճախ է զարգանում զարկերակային գերճնշում, քան նրանց հասակակից տղամարդկանց մոտ:

Զարկերակային ճնշման բարձրացում բժշկին տեսնելուն պես

Գոյություն ունի երևույթ, որը կոչվում է «սպիտակ խալաթի ազդեցություն», և որի դեպքում բժշկին կամ բուժաշխատողին տեսնելուն պես մարդու զարկերակային ճնշումն ինքնաբերեբար բարձրանում է:

Ոմանց մոտ հիվանդության զարգացման հավանականությունն ավելի բարձր է

Զարկերակային գերճնշումն առավել հաճախ զարգանում է ճարպակալում ու ալկոհոլային կախվածություն ունեցող անձանց, ինչպես նաև հորմոնալ հակաբեղմնավորիչներ ընդունող կանանց մոտ:

Մագնեզիումն օգնում է կանխել ճնշման բարձրացումը

Մագնեզիումը լայնացնում է արյունատար անոթները, նվազեցնում է թրոմբոզի զարգացման հավանականությունն ու կարգավորում է արյան թանձրությունն ու զարկերակային ճնշումը: Հետազոտությունները ցույց են տվել, որ մագնեզիումով հարուստ սննդակարգը հիանալի միջոց է զարկերակային գերճնշումը վերահսկողության տակ պահելու համար: Միևնույն ժամանակ այս տարրի պակասը հանգեցնում է սրտի ռիթմի խանգարման, ուստի այն շատ կարևոր է օրգանիզմի համար:

Աղի պակասը հանգեցնում է զարկերակային գերճնշման զարգացման

Որպես կանոն զարկերակային ճնշման բարձրացումը կապվում է աղի չարաշահման հետ, սակայն աղի պակասը նույնպես կարող է վտանգավոր լինել: Հետազոտությունները ցույց են տվել, որ սրտային անբավարարության դեպքում աղի սահմանափակումը (օրական 1.8 գրամից պակաս) կարող է նպաստել ճնշման բարձրացմանը:

Զարկերակային ճնշումը կարող է բարձրանալ ծանրություն բարձրացնելու պատճառով

Ծանրություն բարձրացնելու անհրաժեշտությունը կարող է լուրջ խնդիր դառնալ առողջության համար: Ընդ որում, սա պետք է հիշել նաև մարզասրահ հաճախելիս: Մասնագետները նախազգուշացնում են, որ տհաճ ախտանշանների ի հայտ գալու դեպքում հարկավոր է նվազեցնել ծանրաբեռնվածությունը:

Նյութի աղբյուրը՝ medikforum.ru