10 ախտանշան, որոնք կարող են պայմանավորված լինել գլխուղեղի կաթվածով

Գլխուղեղի կաթվածն ամենավտանգավոր հիվանդություններից է, որը կարող է հանդիպել ինչպես տարեցների, այնպես էլ երիտասարդների մոտ: Որպես կանոն կաթվածը պայմանավորված է լինում սխալ կենսակերպով, իսկ դրա արդյունավետ բուժման համար հարկավոր է ժամանակին միջոցներ ձեռնարկել: Լուրջ բարդություններից խուսափելու համար ձեր ուշադրությանն ենք ներկայացնում կաթվածի մասին հուշող 10 ախտանշան, որոնք կօգնեն արագ կողմնորոշվել ու միջոցներ ձեռնարկել:

1. Տեսողական խնդիրներ

Գլխուղեղի կաթվածի դեպքում մարդիկ հաճախ բախվում են տեսողության հետ կապված խնդիրների, ինչպիսին են պատկերի երկակիությունը, տեսողության աղոտացումն ու կորուստը:

2. Գլխապտույտ

Գլխապտույտը շատ տարածվածած ախտանշան է մինչև 45 տարեկան անձանց մոտ: Սա է պատճառը, որ հաճախակի գլխապտույտների դեպքում հարկավոր է դիմել բժշկին:

3. Խոսքի հետ կապված խնդիրներ

Չկապակցված խոսքը գլխուղեղի կաթվածի ամենավաղ ախտանշանների շարքին է դասվում: Այն կարող է դրսևորվել մտքի խառնաշփոթով կամ խոսելու կարողության կորստով, ուստի հարկավոր է շատ ուշադիր լինել:

4. Վերջույթների թուլություն

Որպես կանոն գլխուղեղի կաթվածի դեպքում լուծանքի են ենթարկվում գլխուղեղի ախտահարված հատվածի հակառակ կողմի վերջույթները: Այս ախտանշանի առկայությունը ստուգելու համար հիվանդը պետք է առաջ պարզի ձեռքերն ու փորձի պահել դրանք 10 վայրկյանք: Եթե ձեռքերից մեկը թուլանում է, ապա խնդիրը պայմանավորված է կաթվածով:

5. Դեմքի մի կողմի ցավ

Վերջույթների կամ դեմքի մի կողմի կտրուկ ու ուժգին ցավը բավական վտանգավոր ախտանշան է, որը ոչ մի դեպքում չի կարելի անտեսել:

6. Գլխացավ ու միգրեն

Կտրուկ գլխացավը նույնպես համարվում է գլխուղեղի կաթվածի ամենատարածված ախտանշաններից մեկը: Ընդ որում, այս ախտանշանն առավել հաճախ հանդիպում է կանանց ու հաճախակի միգրեններով տառապող երիտասարդների մոտ:

7. Դեմքի լուծանք

Դեմքի մկանների կառավարման կորստի դեպքում մեծ է կաթվածի հավանականությունը, ուստի հարկավոր է անհապաղ դիմել մասնագետին:

8. Հյուծում

Գլխուղեղի կաթվածի մասին կարող են վկայել նաև հոգնածությունը, ցրվածությունը, տարածության մեջ կողմնորոշվելու կարողության կորուստն ու հյուծվածությունը:

9. Զկռտոց

Կանանց մոտ հաճախ հանդիպող ախտանշանների թվում է նաև զկռտոցը, որը սովորաբար պայմանավորված է լինում գլխուղեղում շնչառության համար պատասխանատու շնչառական կենտրոնի վնասմամբ:

10. Դժվարացած շնչառություն ու հաճախասրտություն

Գլխուղեղի կաթվածի մասին կարող են հուշել նաև դժվարացած շնչառությունն ու հաճախասրտությունը (տախիկարդիա), ուստի նման խնդիրները նույնպես չի կարելի անտեսել: Ընդ որում, այս վտանգավոր ախտանշաններն առավել հաճախ հանդիպում են կանանց մոտ:

Նյութի աղբյուրը՝ budetezdorovy.ru