Ընդամենը երկու բաղադրիչ կոշտուկներից ու մաշկի ճաքերից ազատվելու համար

12:23 • 22.06.19

Ոտքերի մաշկը շատ զգայուն է արտաքին միջավայրի անբարենպաստ պայմանների նկատմամբ, ուստի անհարմար կոշիկ կրելու, ճիշտ չխնամելու և երկար ժամանակ կանգնած անցկացնելու դեպքում հաճախ է չորանում և պատվում ճաքերով ու կոշտուկներով: Նման դեպքերում մարդիկ կիրառում են հատուկ քսուքներ, որոնք, ցավոք, հաճախ անարդյունավետ են լինում: Սակայն քչերը գիտեն, որ կոշտուկներից ազատվելու և ոտքերի մաշկը նուրբ ու հարթ դարձնելու համար կարելի է կիրառել մի փորձված ու արդյունավետ միջոց, որը կարելի է անգամ ինքնուրույն պատրաստել:

Մաշկի խնամքի այս միջոցի հիմնական բաղադրիչներից մեկն ասպիրինն է, որը սովորաբար կիրառվում է ցավը մեղմելու և բարձր ջերմությունը նվազեցնելու համար: Սակայն քչերը գիտեն, որ այն հիանալի միջոց է նաև մաշկային ամենատարբեր խնդիրներից, այդ թվում նաև ակնեից, սպիներից, սնկային վարակից, մուգ պիգմենտային հետքերից, կոշտուկներից ու ճաքերից ազատվելու համար:

Այս միջոցը հարմար է մաշկի ցանկացած տեսակի դեպքում, իսկ դրա բաղադրիչները կարելի է գտնել գրեթե յուրաքանչյուրի տանը: Այն պարբերաբար օգտագործելու դեպքում կարելի է ոչ միայն ազատվել կոշտուկներից, այլև կարգավորել մաշկի pH հաշվեկշիռը, կանխել սնկերի ու բակտերիաների տարածումն ու ազատվել ոտքերի տհաճ հոտից:

Անհրաժեշտ բաղադրիչներն են.

1 կիտրոնի հյութ,
ասպիրինի 5 դեղահաբ,
պեմզայի քար:

Պատրաստման եղանակը.

Ասպիրինի հաբերը նախ հարկավոր է մանրացնել ու փոշի դարձնել, այնուհետև ավելացնել կիտրոնի հյութն ու խառնել մինչև ստացվի համասեռ մածուցիկ զանգված: Անհրաժեշտության դեպքում կարելի է մի փոքր ջուր ավելացնել:

Օգտագործման եղանակը.

Ոտքերը լավ լվանալ, այնուհետև ստացված զանգվածը բարակ շերտով քսել մաշկին: Թողնել 30 րոպե և լվանալ մեծ քանակությամբ գոլ ջրով:

Այս պրոցեդուրայից հետո հարկավոր է պեմզայի քարով հեռացնել մահացած մաշկն ու կոշտուկները և խոնավեցնել մաշկը նրբաքսուքով: Ցանկալի արդյունքին հասնելու համար պրոցեդուրան հարկավոր է կրկնել շաբաթական 2-3 անգամ:

Նյութի աղբյուրը՝ shkarec.ru