25 ախտանշան, որոնք կարող են վկայել երիկամների հիվանդությունների մասին

Երիկամները մարդու ամենակարևոր օրգաններից են, սակայն դրանց հետ կապված խնդիրները հայտնաբերելն այնքան էլ հեշտ չէ: Ձեր ուշադրությանն ենք ներկայացնում 25 ախտանշան, որոնք կարող են պայմանավորված լինել երիկամների հիվանդություններով:

1. Հոգնածություն

Հոգնածությունը սովորաբար կապված է լինում էրիթրոցիտների մակարդակի նվազման հետ, ինչը կարող է պայմանավորված լինել երիկամների աշխատանքի խանգարմամբ:

2. Գլխապտույտ

Եթե երիկամների աշխատանքի խանգարման հետևանքով առաջացած սակավարյունության պատճառով գլխուղեղը չի ստանում բավարար քանակությամբ թթվածին, մարդու մոտ կարող է հաճախակի գլխապտույտ նկատվել:

3. Գիտակցության կորուստ

Երիկամների հիվանդությունների հետևանքով առաջացած կողմնակի բարդություններից մեկը կարող է լինել օրգանիզմի ջրազրկումը, ինչի հետևանքով հիվանդը կարող է անգամ կորցնել գիտակցությունը:

4. Թուլություն

Մկանային ու ընդհանուր թուլությունը նույնպես կարող է լինել երիկամների աշխատանքի խանգարման մասին վկայող ախտանշաններից մեկը, ուստի այն ոչ մի դեպքում չի կարելի անտեսել:

5. Մտքի «մշուշոտություն»

Հիշողության ու կենտրոնացման հետ կապված խնդիրները, ցրվածությունն ու որևէ նոր բան սովորելու անկարողությունը նույնպես դասվում են երիկամների հիվանդությունների մասին հուշող ախտանշանների շարքին:

6. Հևոց

Թթվածնի պակասի հետևանքով ծանրաբեռնվում են թոքերը, ինչն էլ կարող է դառնալ հևոցի պատճառ:

7. Քոր

Երիկամների հիվանդությունների պատճառով արյունը լավ չի մաքրվում տոքսիններից, ինչը կարող է հանգեցնել մաշկային քորի:

8. Վերջույթների այտուցներ

Այս օրգանների աշխատանքի խանգարման մասին են վկայում նաև վերջույթների այտուցները, որոնք պայմանավորված են օրգանիզմում հեղուկի կուտակմամբ:

9. Պարանոցի ու դեմքի այտուց

Հեղուկի կուտակումը կարող է դառնալ նաև դեմքի ու պարանոցի այտուցների պատճառ, ուստի այս ախտանշանը նույնպես չի կարելի անտեսել:

10. Բերանում մետաղական համի առկայություն

Բերանում մետաղական համի առկայությունը կարող է պայմանավորված լինել արյան մեջ տոքսիկ նյութերի կուտակմամբ կամ ուրեմիայով, իսկ այս խնդիրները վկայում են երիկամների աշխատանքի խանգարման մասին:

11. Բերանի խոռոչի տհաճ հոտ

Եթե վնասակար տոքսինները դուրս չեն բերվում օրգանիզմից, ապա դրանք կարող են դառնալ բերանի խոռոչի տհաճ հոտի պատճառ:

12. Սրտխառնոց

Սրտխառնոցը նույնպես կարող է պայմանավորված լինել ուրեմիայով, ուստի հարկավոր է շատ զգոն լինել:

13. Մարսելախանգարում

Երիկամների հետ կապված խնդիրների մասին կարող է վկայել ոչ միայն սրտխառնոցը, այլև մարսելախանգարումը:

14. Փսխում

Երիկամների հետ կապված խնդիրները, ինչպիսին են վարակներն ու բորբոքումները, կարող են դառնալ նաև փսխման պատճառ:

15. Քաշի կորուստ

Քաշի կորուստը նույնպես վկայում է երիկամների աշխատանքի խանգարման մասին: Բանն այն է, որ այս օրգանների հիվանդությունները ճնշում են մարդու ախորժակը, իսկ փսխումն էլ ավելի է արագացնում քաշի նվազման գործընթացը:

16. Դող

Երիկամների աշխատանքի խանգարման հետևանքով առաջացած սակավարյունությունը կարող է դառնալ նաև դողի պատճառ, ինչը երիկամների աշխատանքի խանգարման մասին հուշող ևս մի ախտանշան է:

17. Հաճախամիզություն

Երիկամների նեֆրոնների վնասվածքը կարող է հանգեցնել հաճախամիզության: Ընդ որում, այս խնդիրը հատկապես հաճախ է նկատվում գիշերվա ժամերին:

18. Միզարձակության հետ կապված խնդիրներ

Միզարձակության հետ կապված խնդիրների դեպքում նույնպես հարկավոր է զգոն լինել, քանի որ դրանք կարող են վկայել երիկամների աշխատանքի խանգարման կամ վարակների մասին:

19. Մեզի արտասովոր տեսք ու գույն

Փրփրուն կամ արտասովոր երանգ ունեցող մեզը բավական լուրջ ախտանշան է, որը կարող է պայմանավորված լինել վարակներով ու երիկամների հետ կապված խնդիրներով:

20. Քնի խանգարումներ

Գիտնականների խոսքով՝ երիկամների հետ կապված խնդիրները կարող են հանգեցնել նաև քնի խանգարումների:

21. Ախորժակի կորուստ

Ախորժակի կորուստը կարող է պայմանավորված լինել երիկամների վնասվածքներով կամ վարակներով:

22. Որովայնի այտուց

Երբ օրգանիզմում հեղուկը լճանում է կարող են նկատվել այնպիսի տհաճ խնդիրներ, ինչպիսին է որովայնի հատվածի այտուցվածությունը:

23. Մեզի մեջ արյան առկայություն

Մեզի մեջ արյան հետքերի առկայությունը շատ լուրջ ախտանշան է, որը կարող է պայմանավորված լինել երիկամների հիվանդություններով: Այս ախտանշանը կարող է վկայել նաև այլ խնդիրների մասին, ուստի այն ոչ մի դեպքում չի կարելի անտեսել:

24. Ջղաձգումներ

Ջղաձգումների առաջացման պատճառներից մեկը երիկամների աշխատանքի խանգարումն է, ինչի հետևանքով օրգանները չեն կարողանում դուրս բերել հեղուկն օրգանիզմից:

25. Մկանների թրթիռ

Սպազմներից բացի մկանները կարող են նաև ժամանակ առ ժամանակ թրթռալ: Սա կարող է վկայել առողջական տարբեր խնդիրների, այդ թվում նաև երիկամների հետ կապված խնդիրների մասին:

Նյութի աղբյուրը՝ budetezdorovy.ru