Ախտանշաններ, որոնք հուշում են լյարդի ինտոքսիկացիայի մասին

13:54 • 15.07.19

Մարդու ընդհանուր ֆիզիկական վիճակի ու առողջության համար պատասխանատու օրգանը լյարդն է, սակայն այս կարևոր օրգանը հաճախ է ենթարկվում արտաքին միջավայրի վնասակար ազդեցությանը, քանի որ ներկայում վտանգավոր տոքսիններն առկա են ինչպես օդում, այնպես է ջրի ու սննդի մեջ:

Առողջ լյարդը կարող է զտել ընդունած ամեն ինչ ու դուրս բերել վնասակար տարրերն օրգանիզմից արտաթորանքի միջոցով: Սա է պատճառը, որ մարդու օրգանիզմում մնում են միայն ամենակարևոր ու անհրաժեշտ նյութերը: Սակայն եթե լյարդը վնասված է ալկոհոլի, վիրուսների ու քիմիական նյութերի պատճառով, այն կարող է պատշաճ կերպով չկատարել իր գործառույթները:

Սա կարող է հանգեցնել քաշի ավելացման, քանի որ լյարդի աշխատանքի խանգարման դեպքում ճարպերում տոքսիններ են կուտակվում, ինչը թույլ չի տալիս ազատվել ավելորդ քաշից: Ավելին՝ անառողջ լյարդի դեպքում ավելորդ քաշից չի հաջողվի ազատվել անգամ ճիշտ սննդակարգի ու մարզումների միջոցով:

Բարեբախտաբար առողջական խնդիրների դեպքում օրգանիզմը միշտ նախազգուշացնում է ախտանշանների տեսքով, ինչն օգնում է ժամանակին հայտնաբերել հիվանդությունն ու միջոցներ ձեռնարկել: Լյարդի ինտոքսիկացիայի մասին հուշող ախտանշանների թվում մասնագետներն առանձնացնում են ամենաակնհայտները, որոնք ոչ մի դեպքում չի կարելի անտեսել: Դրանք են.

ավելորդ քաշից ազատվել չկարողանալը,
մաշկային փոփոխությունները (դեղնավուն երանգ, բորբոքում, քոր, գերզգայունություն, փոքրիկ կարմիր բծեր),
մեզի մուգ գույնը, արյունոտ կամ սև կղանքը,
տհաճ զգացողությունները որովայնի հատվածում (ստորին հատվածի սպազմներ, գազերի կուտակում),
քրոնիկ հոգնածությունն ու թուլությունը:

Նշված ախտանշաններից որևէ մեկի առկայությունն անգամ արդեն իսկ լուրջ խնդիր է, և հարկավոր է անհապաղ դիմել բժշկին, սակայն էլ ավելի զգոն է հարկավոր լինել, եթե առկա են նշված ախտանշաններից մի քանիսը:

Նյութի աղբյուրը՝ med2.ru