5 պատճառ, որոնցով կարող է պայմանավորված լինել արթրոզի զարգացումը

15:18 • 19.07.19

Արթրոզը հոդերի աճառային հյուսվածքների ախտահարումն է, որը կարող է բավական տհաճ զգացողություններ առաջացնել: Հարվարդի համալսարանի բժշկական քոլեջի գիտնականները նշել են հինգ պատճառ, որոնցով կարող է պայմանավորված լինել այս հիվանդության զարգացումը:

Հոդերին լուրջ վնաս հասցնող առաջին գործոնը վազքի սխալ տեխնիկան է: Տհաճ զգացողությունները կարող են պայմանավորված լինել հյուսվածքների «մաշվածությամբ» կամ վնասվածքով, ջլերի գերլարվածությամբ կամ փափուկ հյուսվածքների գրգռվածությամբ: Բժիշկների խոսքով՝ գոյություն ունի «վազորդի ծունկ» հասկացություն, որը ենթադրում է ախտաբանություններ, որոնք դրսևորվում են ծնկահոդի հատվածի ցավով:

Արթրոզի զարգացման պատճառը կարող է դառնալ նաև ճարպակալումը: Ավելորդ կիլոգրամները լուրջ ծանրաբեռնվածություն են դառնում հոդերի համար, ինչը շատ վտանագոր է: Սա է պատճառը, որ զգալի ավելորդ քաշի դեպքում բժիշկները հորդորում են մարդկանց խուսափել ծանր ֆիզիկական վարժություններից և զբաղվել սկանդինավյան քայլքով կամ լողով:

Ծնկների համար վտանգավոր կարող է լինել նաև հեղուկի պակասը: Բանն այն է, որ հեղուկի պակասի դեպքում հոդապարկն արտազատում է ավելի քիչ սինովիալ հեղուկ, ինչն ազդում է քսուքի գործառույթների վրա և նվազեցնում է շփումը հոդերի միջև:

Այս հիվանդության զարգացմանը կարող է նպաստել նաև գերծանրաբեռնվածությունը: Այս դեպքում հատկապես զգույշ պետք է լինեն սկսնակ մարզիկները, քանի որ բարդ վարժությունները կարող են դառնալ ծնկահոդի տեղախախտման և անգամ կոտրվածքների պատճառ: Սա է պատճառը, որ մարզումներից առաջ հարկավոր է լավ «տաքացնել» մկաններն ու հոդերը և չմոռանալ ընթացքում հանգստանալու մասին:

Բացի այդ, արթրոզի զարգացման հավանականություն կարող է բարձրացնել նաև ցածր ջերմաստիճանն ու ցուրտ եղանակը, ուստի հարկավոր է միշտ հիշել տաք հագուստի մասին ու խուսափել գերսառեցումից:

Նյութի աղբյուրը՝ actualnews.org