10 մթերք, որոնք շատ օգտակար են աղիների դիսբակտերիոզի դեպքում

Աղիների դիսբակտերիոզն աղիներում մանրէների հավասարակշռության խանգարումն է, որի դեպքում նկատվում են տարբեր խնդիրներ: Երբ օգտակար բակտերիաների թիվը նվազում է, իսկ վնասակար բակտերիաների թիվն ավելանում, իմունային համակարգը թուլանում է և մարդը բախվում է տարատեսակ բակտերիաների խնդրին: Նման դեպքերում հարկավոր  անպայման կարգավորել սննդակարգն ու օգտագործել պրեբիոտիկներով ու պրոբիոտիկներով հարուստ մթերք:

Ձեր ուշադրությանն ենք ներկայացնում 10 մթերք, որոնք կարող են շատ օգտակար լինել աղիների դիսբակտերիոզի դեպքում:

Ոսկորի արգանակ

Արգանակը շատ օգտակար է աղիների համար: Այն հարուստ է կոլագենով, պրոլինով, գլյուտամինով և արգինինով որոնք նվազեցնում են պատերի անցանելիությունն ու պահպանում են լորձաթաղանթի առողջ բորբոքային ռեակցիան:

Թթու կաղամբ

Թթու կաղամբը հարուստ է մանրաթելերով, ինչի շնորհիվ պայքարում է փորափքանքի դեմ ու բարելավում է մարսողությունը:

Ծնեբեկ

Ծնեբեկը պրեբիոտիկ է, որը պարունակում է մեծ քանակությամբ չմարսվող մանրաթելեր: Այն արդյունավետ կերպով սնուցում է և նպաստում է օգտակար բիֆիդոբակտերիաների ու լակտոբակտերիաների աճին: Առավել օգտակար է հում ծնեբեկը, սակայն դրա օգտակար հատկությունները պահպանվում են անգամ շոգեխաշելու, խաշելու կամ ջեռոցում պատրաստելու դեպքում:

Արքայախնձոր

Այս միրգը շատ օգտակար է մարսողության համար: Այն պարունակում է բրոմելայն ֆերմենտ, որի շնորհիվ սպիտակուցների մոլեկուլները տարրալուծվում են՝ վերածվելով պեպտիդների: Բացի այդ, արքայախնձորն օժտված է նաև հակաբորբոքային հատկություններով, որոնք շատ կարևոր են աղիների լորձաթաղանթի համար: Ընդ որում, այս միրգն առավել օգտակար է թարմ վիճակում:

Սոխ

Այս մթերքը կվերցետինի ու քրոմի հարուստ աղբյուր է և խթանում է ինսուլինի արտադրությունը: Իր յուրահատուկ ազդեցության շնորհիվ սոխը հիանալի հավելում կլինի սննդակարգին ու կօգնի վերականգնել աղիների միկրոֆլորան ու ազատվել դիսբակտերիոզից:

Սխտոր

Սխտորը պրեբիոտիկների հիանալի աղբյուր է և շատ օգտակար է դիսբակտերիոզի դեպքում: Այն հարուստ է ինուլինով, ինչի շնորհիվ շատ օգտակար է մարսողության համար: Բացի այդ, սխտորը պայքարում է տարատեսակ հիվանդությունների դեմ:

Կաթնամթերք

Դիսբակտերիոզի դեմ պայքարում շատ օգտակար է նաև կաթնամթերքը: Բանն այն է, որ նման մթերքը պարունակում է օգտակար բակտերիաներ, որոնք բարելավում են աղիների միկրոֆլորան:

Կենդանական ծագման սպիտակուց

Անյուղ միսը, ձուկն ու հավկիթը նույնպես պետք է ներառվեն սննդակարգում դիսբակտերիոզի դեպքում: Սակայն հարկ է հիշել, որ դրանք չպետք է մշակված լինեն հակաբիոտիկներով ու աճի հորմոններով:

Խնձորի քացախ

Խնձորի քացախը խթանում է ստամոքսաթթվի արտադրությունն ու մարսողությունը՝ օգնելով արագ տարրալուծել սնունդը: Բացի այդ, խնձորի քացախը կանխում է աղեստամոքսային տրակտում անցանկալի բակտերիաների ու սնկերի աճը:

Կիմչի

Այս մթերքը պարունակում է հսկայական քանակությամբ պրոբիոտիկներ ու ֆերմենտներ, որոնք շատ օգտակար են դիսբակտերիոզի դեպքում: Կենդանի օրգանիզմների, մանրաթելերի ու հզոր հակաօքսիդանտների առկայության շնորհիվ այն հիանալի միջոց է աղիները մաքրելու համար:

Նյութի աղբյուրը՝ medikforum.ru