Հազի առաջացման անսովոր պատճառներն ու դրանցից ազատվելու մեթոդները

Երբ մարդը հազում է, մեզ թվում է թե նա մրսած է: Սակայն միշտ չէ, որ այդպես է: Ձեզ ենք ներկայացնում դեպքեր, երբ ախտանիշի արտահայտվելը  պայմանավորված է բոլորովին տարբեր պատճառներով.

1. Շնչառական ուղիներում խցանված իր

Մանրամասները.

Հազի հանկարծակի ջղաձգումներ (մեծահասակների մոտ հիմնականում սննդի ժամանակ, իսկ փոքրիկների մոտ ցանկացած պահի), շնչառության բարդացումներ, ձայնի խռպոտություն, կոկորդում ցավ: Եթե խցանված իրը փոքր է, ապա սկզբնական շրջանում շնչառության հետ կապված խնդիրներ կարող են չլինել, այն առաջանում է ավելի ուշ, երբ սկսվում են այտուցվել հյուսվածքներն ու նեղանալ կոկորդը:

Ինչ անել.

Անհրաժեշտ է անմիջապես դիմել քիթ-կոկորդի մասնագետի, իսկ եթե դժվարանում եք շնչել, անմիջապես հարկավոր է կանչել շտապ օգնության: Երեխաների մոտ ախտորոշումը լինում է ուղղակի  լարինգոսկոպիայի,  իսկ մեծահասակների մոտ անուղղակի լարինգոսկոպիայի միջոցով:

2. Որոշ դեղամիջոցների  ընդունում

Մանրամասներ.

Հազի հրահրող  հատկություններով օժտված են  ԱՊՖ- ինհիբիտորներն ու բետա -պաշարիչները, որոնք նշանակվում են սրտային հիվանդությունների դեպքում:

Ինչ անել.

Անհրաժեշտ է  փոխել դեղամիջոցներն այլ նույն ազդեցության դեղամիջոցներով: Սակայն դա հնարավոր է կատարել միայն բուժող բժշկի հավանությունից հետո և այն էլ, այն  դեպքում,  եթե այդ դեղամիջոցից ստացվող  պոտենցիալ օգուտն ավելի շատ կլինի, քան ակնկալվելիք վնասը:

3. Թոքերի քրոնիկ օբստրուկտիվ հիվանդություններ

Մանրամասներ.

Լորձով ու հևոցով հազը հիվանդին հաճախակի ստիպում է արթնանալ  լուսաբացին:

Ինչ անել.

Անհրաժեշտ է դիմել թոքաբանի  ու հետազոտել վերին շնչուղիների ֆունկցիան սպիրոմետրի օգնությամբ, որը հարավորություն կտա չափել  ներշնչելու ու արտաշնչելու ծավալն ու արագությունը: Ամբողջ պրոցեդուրան զբաղեցնում է ընդամենը 5-10 րոպե: Իսկ այն մարդիկ, ովքեր 10 տարի շարունակ օրական 1 տուփ ծխախոտ են ծխում, պետք է ամեն տարի անցնեն սպիրոմետրային հետազոտություն: Իսկ ախտորոշման դեպքում ստիպված կլինեք թողնել ծխելը, (դա հիվանդության առաջացման ամենագլխավոր ռիսկերից է), պետք է սկսեն հետևել քաշին, ժամանակին կատարեք գրիպի  դեմ պատվաստումներն ու կանոնավոր կերպով ընդունեք հատուկ դեղամիջոցներ:

4. Գաստրոէզոֆագեալ ռեֆլյուքսային հիվանդություն

Մանրամասները.

Ռեֆլյուքսային հիվանդությանը բաժին է հասնում   քրոնիկ հազի առաջացման  դեպքերի 5-ից 40%-ը: Այս հիվանդության դեպքում ստամոքսի  թթվային պարունակությունը արտանետվում է կերեկրափող ու կոկորդ:Հազը մեծամսամբ առաջանում է մարմնի դիրքի փոփոխության դեպքում, հատկապես թեքված վիճակում: Այն սրվում է  ցերեկային ժամերին ու կրճատվում երեկոյան ժամերին: Շատ հաճախ այս հիվանդությունը մինչև հազի ի հայտ գալը ոչ մի կերպ չի արտահայտվում:

Ինչ անել.

Այցելեք գաստրոէնտերոլոգի, որը ձեզ կուղղեգրի ռենտգենային հետազոտություն ու  կերակրափողի մի շարք այլ հետազոտություններ անցնելու համար:

5. Սրտանոթային հիվանդություններ

Մանրամասներ.

Առանձին խորխային արտադրությամբ ու արյան  խարնուրդով հազ: Որպես կանոն, այն ուժեղանում է երեկոյան ֆիզիկական ծանրաբեռնվածության դեպքում և կարող է արտահայտվել կոկորդի ցավ տեսքով: Այն կրճատվում կամ անցնում է սրտային հիվանդությունների համար նախատեսված   դեղամիջոցների ընդունման դեպքում:

6. Փսիխոգեն հազ

Մանրամասներ.

Անարտադրական, հաճախակի  հազն առաջանում է նյարդային լարված իրավիճակներում, ինչպես նաև տոթ սենյակում գտնվելու, կամ պիրկ հագուստ հագնելու  ժամանակ: Այն ավելի է ուժեղանում այն դեպքում երբ մարդն ակնկալում կամ վախենում է նոր նոպայի առաջացումից: Այսպիսի հազը կապված չէ ոչ մի հիվանդության հետ, չնայած այն հաճախակի խառնում են սրտանոթային պոթոլոգիայի հետ: Երեխաների մոտ փսիխոգեն հազը կարող է զարգանալ սուր վարակային հիվանդությունների առաջացումից հետո:

Ինչ անել.

Անհրաժեշտ է դիմել նյարդաբանի կամ հոգեթերապևտի օգնության, իսկ երեխաների հատ եղեք ավելի քնքուշ ու ուշադիր:

7. Թոքային տուբերկուլոզ

Մանրամասներ.

Միջին կամ ուժեղ խոնավությամբ հազը կարող է ուղեկցվել արյուն թքելով: Ջեմության երկարատև բարձրացում, գիշերային քրտնարտադրություն, ավշային հանգույցների լայնացում: Խորխը կարող է լինել և սակավ և լորձային, ինչպես նաև  առատ ու  թարախային:

Ինչ անել.

Դիմեք ֆթիզիատորի ու կատարեք թոքերի ռենտգեն, ինչպես հարկավոր է  մի քանի անգամ կատարել խորխի  ու  տուբերկուլյոզի  հարուցիչների մանրէաբանական հետազոտություն(ամենաքիչը 3 անգամ):

Աղբյուրը՝  aif.ru