Պրոստատիտի(շագանակագեղձի բորբոքում) զարգացման պատճառները, ախտանշաններն ու  բուժումը

Պրոստատիտի  հետ բախվում են 20-25 տարեկանից բարձր հազարավոր տղամարդիկ:  Շատերին այդ հիվանդությունն  անլուրջ է թվում է, սակայն զարգանալով այն  կարող է հանգեցնել լիբիդոյի նվազման, միզարձակման հետ կապված խնդիրների և անպտղության: Հիշեք այդ մասին ու առաջին իսկ ախտանշանների հայտնվելու դեպքում անմիջապես դիմեք բժշկի:

Առաջացման պատճառները.

Պրոստատիտի առաջացման  ամենատարածված պատճառներն են՝

·       ուրոլոգիական հիվանդությունները (ցիստիտ, միզուկաբորբ)

·       նստակյած կենսակերպը

·       սեռական ճանապարհով փոխանցվող հիվանդությունները

·       հաճախակի փորկապությունը

·       օրգանիզմի սառեցումը

·       ծխելն ու ալկոհոլի չարաշահումը

Սակայն տղամարդկանց մոտ առկա են պրոստատիտի առաջացման նաև այլ պատճառներ՝ փոքր կոնքի փափուկ հյուսվածքների ու օրգանների վնասվածքներ, ինչպես նաև հորմոնալ բալանսի խանգարումը:

Ախտանշանները՝

Պրոստատիտի ախտանշանները կարելի է բաժանել 2  խմբի՝

·       սեռական ֆունկցիայի խանգարում՝ թույլ էրեկցիա, սերմնաժայթքման հետ կապված խնդիրներ

·       միզային համակարգի աշխատանքի խանգարում՝ հաճախակի միզարձակում ու որովային ստորին հատվածի ցավեր:

Տղամարդկանց մոտ պրոստատիտի  1-ին ախտանշանները տարբերվում են ՝ կախված  հիվանդության տեսակից:

Պրոստատիտի սուր բորբոքմանը բնորոշ է  մարմնի բարձր ջերմությունն ու միզարձակման ժամանակ ուժեղ ցավերը:

Քրոնիկ պրոստատիտը ընթանում է ավելի քիչ արտահայտված և անգամ առանց ախտանշանների:

Ախտորոշում

Պրոստատիտը դժվար չէ ախտորոշել: Դա կատարելու համար մասնագետները զննում են հիվանդին ու նշանակում են անալիզներ, որոնք թույլ են տալիս հայտնաբերել օրգանիզմում բորբոքային պրոցեսների առկայությունը: Հաճախակի հետազոտման ժամանակ կիրառվում է ուլտրաձայնային ու համակարգչային տոմոգրաֆիա: Եթե հիվանդի մոտ առկա են լինում փոքր կոնքի օրգանների վիրահատական միջամտություն, ապա բժիշկները հավելյալ նշանակում են  ցիտոսկոպիկ մեթոդով հետազոտություն:

Կանխարգելում

Պրոստատիտ կանխարգելումը իր մեջ ներառում է առողջ կենսակերպ ու ուրոլոգի մոտ  կանոնավոր այցելությունը:

Շագանակագեղձի բորբոքման հետ կապված խնդիրներին չբախվելու համար, անհրաժեշտ է  ազատվել վնասակար սովորություններից, խուսափել սառեցումից ու զբաղվել սպորտով: Բացի այդ, հարկավոր է  սահմանափակել պատահական  սեռական կապերի թիվն ու չմոռանալ օգտագործել պահպանակ:

 Բուժում

Պրոստատիտիտի դեմ պայքարելու համար բժիշկները նշանակում են հակաբիոտիկներ: Բացի հակաբիոտիկներից,  բժիշկները հիվանդներին նշանակում են նաև ցավազրկող միջոցներ ու ալֆա-արգելակիչներ:

Աղբյուրը՝ med2.ru