Ինչ է ներգանգային բարձր ճնշումը, որոնք են դրա ախտանշանները և ինչ կարող է անել մարդն այս խնդրից ազատվելու համար

Ներգանգային ճնշմումը, ինչպես և զարկերակային ճնշումը, յուրաքնաչյուրի մոտ կարող է տարբեր լինել, սակայն դրա նորման համարվում է 100-180 մմ/սս-ը: Այս ցուցանիշի բարձրացման դեպքում ի հայտ են գալիս հիվանդությանը հատուկ ախտանշաններ:

Սովորաբար ներգանգային ճնշման բարձրացումը սկզբնական շրջանում դրսևորվում է գլխում ծանրության զգացողությամբ, թուլությամբ, սրտխառնոցով, որից հետո ի հայտ է գալիս նաև կայուն գլխացավը: Առհասարակ՝ այս հիվանդության հիմնական ախտանշանը հաճախակի գլխացավերն են, որոնք ուժեղանում են գիշերն ու վաղ առավոտյան:

Այս խնդրի ախտորոշման համար կարելի է դիմել ակնաբույժին, քանի որ հիվանդության ակնհայտ ախտանշաններից մեկն է աչքի հատակի երակների լայնացումն ու ոլորունությունը: Ուլտրաձայնային հետազոտությունը թույլ կտա որոշել խնդրի բարդության աստիճանը, իսկ ավելի լուրջ դեպքերում կարող է առաջանալ համակարգչային շերտագրության անհրաժեշտություն:

Ներգանգային բարձր ճնշման դեպքում մարդիկ հաճախ ընդունում են ցավազրկող դեղամիջոցներ, մինչդեռ դրանք օգնում են ազատվել միայն ախտանշանից՝ ցավից: Հարկ է հիշել, որ ցավազրկող դեղամիջոցը չի կարգավորում ճնշումը, ուստի երկար ժամանակ հիվանդությունը չբուժելը կարող է հանգեցնել գլխուղեղի կաթվածի:

Ոչ շատ բարդ դեպքերում խորհուրդ է տրվում ընդունել միզամուղ դեղամիջոցներ, ինչպես նաև անոթների առողջությունը բարելավող և նյարդային համակարգը հանգստացող միջոցներ: Բացի այդ, կարող է նշանակվել նաև հատուկ մարմնամարզություն և մանուալ թերապիա:

 Բացի այդ, շատ արդյունավետ կարող է լինել սննդակարգից աղի բացառումը, պարանոցի հատվածում կամֆորայի յուղով ու սպիրտով կոմպրեսների կիրառումը, ինչպես նաև ալոճի, կատվախոտի և առյուծագի թուրմերի կիրառությունը, որոնք հարկավոր է խառնել հավասար չափաբաժիններով և օգտագործել ստացված խառնուրդն օրական 30 կաթիլ:

Գոյություն ունի նաև հատուկ վարժություն, որը թույլ կտա կարգավորել ներգանգային ճնշումն ու ազատվել այս խնդրից: Այս վարժությունը կատարելու համար հարկավոր է առավոտյան առանց ուղղահայաց դիրք գրավելու իջնել անկողնուց հատակին և նստել կրունկների վրա՝ ձեռքերը դնելով ծնկներին:

Հարկավոր է մեկ րոպե մնալ այս դիրքով և ինտենսիվ շնչել, այնուհետև խորը շունչ քաշել և դանդաղ խոնարհել գլուխը: Արտաշնչել և մնալ այս դիրքով 3 վայրկյան, այնուհետև կրկին շունչ քաշել՝ բարձրացնելով գլուխը: Մի փոքր հանգստանալ և կրկնել վարժությունը ևս երեք անգամ:

Այս վարժությունը կօգնի աստիճանաբար կարգավորել ճնշումն ու ազատվել տհաճ ախտանշաններից: Սակայն հարկ է հիշել, որ ժամանակի ընթացքում անհրաժեշտ է աստիճանաբար ավելացնել վարժությունը կատարելու ժամանակահատվածը:

Նյութի աղբյուրը՝ econet.ru