Գինեկոլոգիական հիվանդություններն ու միզասեռական համակարգի ախտաբանությունները

Կանանց օրգանիզմի անատոմիական առանձնահատկությունների պատճառով, գինեկոլոգիական հիվանդությունների դեպքերի յուրաքանչյուր 5-րդի ժամանակ հիվանդի վիճակն անդրադառնում է նաև միզուղիների վրա: Գինեկոլոգիայի և միզարձակման համակարգի միջև կա ակնհայտ կապ: Սեռական օրգանների տարատեսակ բորբոքային հիվանդությունների դեպքում ախտաբանության հետ կարող է առնչություն ունենալ նաև.

·         միզապարկը, 

·         միզուկը, 

·         միզածորանները:

Արգանդի (մետրիտ կամ էնդոմետրիտ) կամ դրա հավելումների (ադնեքսիտ) բորբոքումը սովորաբար տարածվում է նաև կոնքի մանրաթելերի վրա, իսկ դրանցով արդեն անցնում են միզածորաները, որոնք նույնպես ախտահարվում են: Այս դեպքում միզածորանները նեղանում են և խանգարվում է մեզի արտահոսքը երիկամներից: Հենց սա է դառնում միզասեռական համակարգում առանձին բորբոքային հիվանդությունների առաջացման պատճառ:

Միզապարկը հպվում է արգանդին, ուստի նույնպես կարող է ախտահարվել բոբոքային գործընթացների դեպքում: Կանանց մոտ կարող է զարգանալ միզարձակության խանգարում և հենց սա է պատճառը, որ հաճախ կինը սկզբում դիմում է ուրոլոգին, իսկ հետո հայտնաբերվում է գինեկոլոգիական խմդիրը:

Հեշտոցի և արգանդի վզիկի բորբոքումների ամենատարածված հարուցիչներից մեկը տրիխոմոնասն է: Կանանց մոտ այս նույն հարուցիչը կարող է դառնալ նաև ուրետրիտի պատճառ: Ուսումնասիրությունների համար հարկավոր է մանրադիտակի տակ ուսումնասիրել հեշտոցից և միզուղուց վերցված քսուքը: Բացի այդ, ցանկացած հետազոտության դեպքում պարտադիր պետք է հանձնել մեզի անալից, որը ցույց կտա որևէ բորբոքային գործընթացի առկայությունը կամ բացակայությունը:

Այս ամենի արդյունքում կարելի է անել ենթադրություն, որ գինեկոլոգիական օրգանների բորբոքային հիվանդությունների հետ մեկտեղ կա նաև միզասեռական համակարգի օրգանների բորբոքում: Միզուղիների վրա իրենց ազդեցությունն են թողնում նաև հորմոնալ տատանումները, որոնք զարգանում են բարորակ ուռուցքների առաջացման հետ մեկտեղ: Արգանդի ֆիբրոմիոմայի դեպքում նկատվում են բութ ցավեր գոտկատեղի հատվածում: Այս դեպքում հարկավոր է անպայման  այցելոլ ուրոլոգին: Որպես կանոն՝ ուռուցքի հեռացումից հետո 90%-ի դեպքում ցավերն անհետանում են: Երբեմն ֆիբրոմիոմայի դեպքում տուժում են նաև միզապարկն ու միզուկը: Այս դեպքում ֆիբրոմիոման ճնշում է գործադրում միզապարկի վրա, ինչի հետևանքով առաջանում են միզարձակության խանգարումներ:

Շատ գինեկոլոգիական հիվանդություններ հաճախ բարդացված են լինում միզասեռական համակարգի ախտաբանություններով, ուստի գինեկոլոգիական հիվանդությունների դեպքում կինը պետք է շատ ուշադիր լինի այդ օրգանների հանդեպ:

Նյութի աղբյուրը՝ jivitezdorovo.ru