6 տարածված սովորություն, որոնք կործանարար են վահանաձև գեղձի համար

Վահանաձև գեղձը մարդու ամենակարևոր օրգաններից մեկն է, որը պատասխանատու է նյութափոխանակության, հորմոնալ բալանսի, ուշադրության կենտրոնացման ու էներգիայի համար: Այս օրգանի վիճակի վրա բավական լուրջ ազդեցություն է ունենում մարդու սննդակարգը, ուստի ճիշտ մթերքի գործածությունը շատ կարևոր է: Սակայն հաճախ մարդիկ ուշադրություն չեն դարձնում այս պարզ կանոնին, ինչն էլ դառնում է առողջական լուրջ խնդիրների զարգացման պատճառ:

Ձեր ուշադրությանն ենք ներկայացնում սննդակարգում արված այն հիմնական սխալները, որոնք կործանարար ազդեցություն են ունենում վահանաձև գեղձի վրա:

Նախաճաշից, ճաշից կամ ընթրիքից հրաժարվելը

Վահանագեղձի հետ կապված խնդիրները կարող են նպաստել քաշի ավելացմանը, սակայն այնուամենայնիվ սննդից հրաժարվելը կարող է խնդրի վատագույն լուծումը լինել: Նման դեպքերում օրգանիզմը կսկսի խնայել էներգիան ու կուտակել այն, ինչը կհանգեցնի սաստիկ հոգնածության: Ավելին՝ նման սովորությունը կարող է հանգեցնել անգամ խոլեստերինի մակարդակի բարձրացման:

Ածխաջրերից խուսափելը

Ավելորդ քաշից ազատվելու համար խորհուրդ է տրվում նվազեցնել օգտագործվող ածխաջրերի քանակությունը, սակայն դա չի նշանակում, որ մարդը պետք է խուսափի բոլոր ածխաջրերից: Այս սովորությունը նույնպես կհանգեցնի գերհոգնածության, քանի որ ածխաջրերն օրգանիզմի «վառելիքն» են հանդիսանում:

Գլյուտենի (սնձան) բացառումը

Գլյուտենի նկատմամբ օրգանիզմի անհանդուրժողականության դեպքում կտրուկ բարձրանում է աուտոիմունային թիրեոդիտի՝ վահանագեղձի ամենատարածված հիվանդության զարգացման հավանականությունը: Այս հիվանդության դեպքում արտազատվում են նույն հակամարմինները, որոնք արտազատվում են ցելիակիայի դեպքում: Դրանք կարող են պատահմամբ հարձակվել վահանագեղձի վրա՝ դառնալով լուրջ խանգարումների պատճառ:

Խաչածաղկավոր բանջարեղենի հաճախակի գործածությունը

Խաչածաղկավոր բանջարեղենը (բրոկոլի, կաղամբ, ծաղկակաղամբ և այլն) շատ օգտակար է առոջղության համար, սակայն այնուամենայնիվ դրանք կարող են դանդաղեցնել վահանագեղձի աշխատանքը, հատկապես չարաշահման դեպքում: Այս մթերքը կարող է նպաստել վահանագեղձի մեծացմանն ու հանգեցնել պարանոցի այտուցի: Նման հետևանքներից խուսափելու համար հարկավոր է բանջարեղենի այս տեսակները ուտել ոչ թե հում վիճակում, այլ խաշած կամ տապակած:

Յոդի կարևորության անտեսումը

Յոդը շատ կարևոր տարր է վահանագեղձի համար, քանի որ նպաստում է հորմոնների արտադրությանը: Սա է պատճառը, որ ոչ մի դեպքում չի կարելի անտեսել դրա կարևորությունը: Յոդի հարուստ աղբյուր են օրգանական յոգուրտները, ջրիմուռները, ծովամթերքը, լոռամիրգն ու ելակը:

Մեծ քանակությամբ սնդիկ պարունակող ձկնատեսակների գործածությունը

Այս տարրը շատ վնասակար է ամբողջ օրգանիզմի համար: Այն կործանարար ազդեցություն է ունենում վահանագեղձի վրա, քանի որ խոչընդոտում է հորմոնների նորմալ աշխատանքին:

Նյութի աղբյուրը՝ med2.ru