Գիտնականները նշել են՝ ինչ հոտերով են դրսևորվում տարբեր հիվանդությունները

10:52 • 02.09.19

Մանչեսթերի համալսարանի մի խումբ գիտնականներ գիտափորձերի արդյունքում պարզել են, որ յուրաքանչյուր հիվանդություն ունի իր քիմիական բաղադրությունը, որն անդրադառնում է ամբողջ օրգանիզմի վրա: Հիմնվելով այս հետազոտության արդյունքների վրա՝ մասնագետները եկել են այն եզրահանգման, որ հիվանդություններն իրենց բնորոշ հոտն են ունենում, որի շնորհիվ հնարավոր է լինում ախտորոշել խնդիրը զարգացման վաղ փուլերում:

Պարկինսոնի հիվանդություն

Այս հիվանդության դեպքում նկատվում է մուշկի (мускус) հոտ, որն առաջանում է տարատեսակ բակտերիաների ու սնկերի կուտակման հետևանքով: Սովորաբար դրանք կուտակվում են մաշկայի ճարպի մեջ, սակայն Պարկինսոնի հիվանդության դեպքում դրանք ձեռք են բերում արտասովոր սուր հոտ:

Ալցհեյմերի հիվանդություն

Ալցհեյմերի հիվանդության դեպքում արտասովոր հոտը կարող է նկատվել դեռ մինչ հիվանդությունն ախտորոշելը: Այս հիվանդությանը բնորոշ հոտը աշորայի հացի հոտն է հիշեցնում: Մասնագետներն ընդգծում են, որ Ալցհեյմերի հիվանդության դեպքում հոտն այնքան սուր չէ, որքան Պարկինսոնի հիվանդության դեպքում է լինում: Այս հիվանդության զարգացման դեպքում հոտը կարող է ուժեղանալ, իսկ հիվադի մաշկը կարող է ձեռք բերել խմորչի կայուն բույր:

Տուբերկուլոզ

Այս հիվանդության դեպքում մասնագետներն առանձնացնում են մի քանի հոտ: Տուբերկուլոզի զարգացման դեպքում մաշկը ձեռք է բերում փտող խոնավ ստվարաթղթի հոտ, իսկ բերանի խոռոչից գարեջրի հոտ է նկատվում, որն ուժեղանում է հիվանդության զարգացման հետ մեկտեղ:

Շաքարային դիաբետ

Շաքարային դիաբետի դեպքում նկատվում է քաղցրավուն մրգային հոտ (ցիտրուսային մրգեր, արքայախնձոր և այլն): Օրվա ընթացքում այս հոտը կարող է փոփոխվել կամ փոխել ինտենսիվությունը: Այս դեպքում սա կախված է արյան մեջ գլյուկոզայի մակարդակից:

Քաղցկեղ

Քաղցկեղի հոտն առայժմ բավականաչափ ուսումնասիրված չէ, ինչպես և հիվանդության դրսևորումները: Հիվանդության զարգացման ամենավաղ փուլերում հնարավոր չէ պարզել, թե ինչ հոտով է այն դրսևորվում, սակայն առաջին կամ երկրորդ փուլում նկատվում է սնկերի կամ խմորչի հոտ՝ կախված ախտահարված օրգանից:

Նյութի աղբյուրը՝ medikforum.ru