6 արդյունավետ բնական միջոց արյունը տոքսիններից ու այլ վնասակար տարրերից մաքրելու համար

18:17 • 12.09.19

Օրգանիզմը բնական ճանապարհով ազատվում է տոքսիններից, սակայն լինում են դեպքեր, երբ դրանք կուտակվում են՝ առաջացնելով առողջական տարբեր խնդիրներ: Նման դեպքերում օրգանիզմն ունենում է հավելյալ օգնության կարիք, ուստի ձեր ուշադրությանն ենք ներկայացնում վեց համեղ ու օգտակար ըմպելիք, որոնք կօգնեն մաքրել արյունը բոլոր վնասակար տարրերից:

Կռատուկի թուրմ

Այս բույսը լավագույն միջոցն է արյունն ու ավշային համակարգը մաքրելու համար: Այն նպաստում է արյան շրջանառության բարելավմանը, ինչը թույլ է տալիս խուսափել հեղուկի կուտակումից ու այտուցներից: Նման արդյունքի հասնելու համար խորհուրդ է տրվում օրական երկու բաժակ կռատուկ թուրմ խմել, որը պատրաստելու համար պարզապես հարկավոր է 1 թեյի գդալ կռատուկի արմատին ավելացնել 400 մլ ջուր, դնել կրակին ու թողնել մինչև եռա:

Սև կտտկենու հատապտուղներ

Այս բույսը բնական լուծողական միջոց է: Այն ոչ միայն մաքրում է օրգանիզմը, այլև հակասեպտիկ ազդեցություն է ունենում, ոչնչացնում է բակտերիաներն ու նվազեցնում է բորբոքումների մակարդակը: Այն հատկապես օգտակար է երիկամների ու լյարդի համար: Պարզապես հարկավոր է օրական մեկ անգամ ճաշից հետո խմել մի բաժակ թեյ՝ դրան ավելացնելով նաև սև կտտկենու հատապտուղներ:

Եղինջի թուրմ

Եղինջը հիանալի դեղաբույս է ամբողջ օրգանիզմի մաքրման համար: Այս բնական միզամուղ միջոցը շատ օգտակար է երիկամների համար և օգնում է դուրս բերել բոլոր տոքսիններն օրգանիզմից: Այս բույսի օգնությամբ արյունը մաքրելու համար հարկավոր է պատրաստել եղինջի թուրմ և խմել այն օրվա երկրորդ կեսին մեկ բաժակ:

Խատուտիկով թեյ

Խատուտիկով թեյն անհրաժեշտ է խմել սննդի հիմնական ժամից հետո, սակայն որևէ թեթև ուտեստից առաջ: Այն բարելավում է արյան շրջանառությունը, դուրս է բերում տոքսիններն ու մաքրում է օրգանիզմը: Թեյը պատրաստելու համար հարկավոր է պարզապես խատուտիկի մի քանի տերևն ավելացնել եռացող ջրին և թրմել 5 րոպե:

Հալվե վերա

Այս բույսը բուժում ու կանխարգելում է մի շարք հիվանդություններ: Այն օժտված է հակաբակտերիալ, հակավիրուսային, հակասնկային ու դետոքսիկացնող հատկություններով, ինչի շնորհիվ խթանում է իմունային համակարգի աշխատանքն ու բարձրացնում օրգանիզմի դիմադրողականությունը: Պարզապես հարկավոր է ամեն օր մի բաժակ գոլ ջրին ավելացնել 1 թեյի գդալ հալվե վերայի հյութ, լավ խառնել ու խմել:

Սխտոր ու կարմիր գինի

Սա արյունը մաքրող լավագույն միջոցներից է: Այն օգնում է ակտիվացնել նյութափոխանակությունն ու նվազեցնել ճարպային կուտակումները: Բացի այդ, այն դուրս է բերում նաև ավելորդ աղն օրգանիզմից և օգնում է ազատվել տոքսիններից:

Սխտորով ու գինիով ըմպելիքը պատրաստելու համար հարկավոր է սխտորի 12 պճեղ ու 500 մլ կարմիր գինի: Հարկավոր է սխտորը մանրացնել, լցնել ապակյա տարայի մեջ ու ավելացնել գինին: Փակել տարան ու թողնել 15-20 օր թրմվի: Պատրաստի ըմպելիքը քամել և ընդունել օրական 3 ճաշի գդալ: Բուժման կուրսը տևում է մեկ ամիս:

Նյութի աղբյուրը՝ budetezdorovy.ru