Հիվանդություններ, որոնք ախտահարում են հոդերը և հանգեցնում սաստիկ հոդացավերի

Առավել հաճախ մարդիկ հոդացավերը կապում են հոդերի գերծանրաբեռնվածության ու վնասվածքների հետ, մինչդեռ իրականում կան հոդերն ախտահարող հիվանդություններ, որոնք նույնպես կարող են դառնալ հոդացավի պատճառ: Ձեր ուշադրությանն ենք ներկայացում այդ հիվանդություններից մի քանիսը:

Ինֆեկցիոն արթրիտ

Արթիտները հոդերի բորբոքային բնույթի հիվանդությունների խումբ են, որեբք երբեմն կարող են պայմանավորված լինել այնպիսի վարակներով, ինչպիսին են ստրեպտոկոկը, ոսկեգույն ստաֆիլակոկը և այլն: Սա է պատճառը, որը արթրիտի այս տեսակը կոչվում է ինֆեկցիոն արթրիտ:

Ինֆեկցիոն արթրիտը դրսևորվում է հոդացավերով, այտուցներով, կարմրածությամբ, մարմնի ջերմաստիճանի բարձրացմամբ ու շարժումների կաշկանդվածությամբ: Բացի այդ, կարող են նկատվել այնպիսի ախտանշաններ, ինչպիսին են դողը, մկանային ցավերն ու թուլությունը: Նման ախտանշանների դեպքում մասնագետները հորդորում են անհապաղ դիմել բժշկին ու սկսել բուժումը:

Հոդատապ (подагра)

Հոդատապը կարող է դառնալ սաստիկ հոդացավերի պատճառ: Այն հաճախ անվանում են «թագավորների հիվանդություն» կամ «հարուստների հիվանդություն»: Առավել հաճախ հոդատապը պայմանավորված է լինում մարդու կենսակերպով ու սննդային նախասիրություններով: Հիվանդության հիմնական ախտանշաններն են սաստիկ ցավը, ենթամաշկային մանրաթելերի պնդացումն ու այսպես կոչված տոֆուսների առաջացումը, որոնք կարող են կարմրել ու այտուցվել: Առավել հաճախ հոդատապն ախտահարում է ոտնաթաթի հոդերը:

Համակարգային կարմիր գայլախտ

Այս հիվանդությունը զարգանում է իմունային համակարգի աշխատանքի խանգարման հետևանքով: Այս դեպքում մարդու իմունային համակարգն սկսում է արտազատել հակամարմիններ, որոնք հարձակվում են կասկածելի թվացող հյուսվածքների վրա: Այս հիվանդությունը բնորոշվում է այտերի ու քթի վրա առաջացած ցանով ու հոդերի աշխատանքի խանգարումներով: Առավել հաճախ ախտահարվում են ձեռքերի ու դաստակների հոդերը:

Ռևմատոիդ արթրիտ

Արթրիտի այս տեսակի դեպքում ախտահարվում են մանր հոդերը: Գիտնականները մինչ օրս չեն պարզել այս խանգարման զարգացման պատճառը, սակայն համարում են, որ այն կարող է պայմանավորված լինել վարակով: Բացի այդ, ենթադրվում է, որ խանգարումը կարող է զարգանալ ֆիզիկական ծանրաբեռնվածության, հուզական լարվածության, հորմոնալ խանգարումների ֆոնին: Սա շատ վտանգավոր հիվանդութուն է, որը տարեկան ավելի քանի 10 հազար մարդու մահվան և տասնյակ հազարավորների անդամալուծության պատճառ է դառնում:

Նյութի աղբյուրը՝ medikforum.ru