Օգտակար համարվող 6 սովորություն, որոնք իրականում վտանգավոր են

Գոյություն ունեն սովորություններ, որոնք համարվում են շատ առողջարար ու կարևոր, մինչդեռ իրականում կարող են լուրջ վնաս հասցնել օրգանիզմին: Մասնագետները նախազգուշացնում են, որ անգամ առաջին հայացքից օգտակար թվացող սովորությունը կարող է լուրջ խնդիրների հանգեցնել, ուստի հարկավոր է շատ զգոն լինել:

Ձեր ուշադրությանն ենք ներկայացնում օգտակար համարվող այն սովորությունները, որոնք իրական վնասակար են առողջության համար:

Արևապաշտպան քսուքների գործածություն

Կոսմետոլոգներն ու մաշկաբանները պարբերաբար հիշեցնում են, որ արևի ուլտրամանուշակագույն ճառագայթներից խուսափելու համար հարկավոր է օգտագործել համապատասխան քսուքներ, սակայն իրականում այդ քսուքները ոչ միշտ են անվնաս լինում: Ամերիկացի գիտնականները վերլուծել են արևապաշտպան քսուքների բաղադրությունն ու պարզել, որ դրանցում պարունակվող 16 հիմնական բաղադրիչից միայն երկուսն է համարվում բացարձակապես անվնաս, մինչդեռ ևս երկուսը համարվում են խիստ վտանգավոր: Մյուս 12 բաղադրիչի ազդեցությունը մարդու օրգանիզմի վրա դեռ ինչպես հարկն է ուսումնասիրված չէ, ուստի մասնագետները հորդորում են անհապաղ սկսել դրանց ուսումնասիրությունները:

Բեռնաթափման օրեր

Մասնագետների կարծիքով՝ բեռնաթափման օրերի անհրաժեշտություն լինում է միայն թունավորումների դեպքում, երբ վնասակար տոքսինները հարկավոր է լինում հնարավորինս արագ դուրս բերել օրգանիզմից: Առողջ մարդկանց համար այս օրերը կամ անարդյունավետ են, կամ վնասակար, քանի որ կալորիաների թվի կտրուկ սահմանափակումն ու կարևոր սննդարար նյութերի պակասը կարող են թուլացնել իմունային համակարգը:

Ուտելուց առաջ մի բաժակ ջուր խմելու սովորություն

Սննդի չարաշահումից ու քաշի ավելացումից խուսափելու համար շատերը խորհուրդ են տալիս ուտելուց առաջ մի բաժակ ջուր խմել, սակայն բժիշկները նախազգուշացնում են, որ ուտելուց առաջ սառը ջուր խմելը վնասում է մարսության գործընթացին ու նվազեցնում է մարսողական համակարգի ակտիվությունը: Սա է պատճառը, որ ուտելուց առաջ ջուր խմելու դեպքում հարկավոր է նախապատվությունը տալ գոլ (գրեթե տաք) ջրին կամ տաք թեյին:

Ամեն օր մարզվելու սովորություն

Ֆիզիկական ակտիվությունը շատ կարևոր է, սակայն անգամ այս դեպքում ամեն ինչ պետք է չափավոր լինի: Մշտական ծանրաբեռնվածությունը պարզապես «մաշում» են օրգանիզմը: Ինտենսիվ մարզումներից հետո մարդու մարմնին հարկավոր է ժամանակ վերականգնման համար, մինչդեռ պարբերաբար մարզվելը թույլ չի տալիս հանգստանալ ինչպես հարկն է:

Հակաբակտերիալ գելերի օգտագործում

Աշնանը եղանակային փոփոխությունների շրջանում մարդիկ փորձում են հնարավորինս պաշտպավել վիրուսներից ու բակտերիաներից, ուստի հաճախ են հակաբակտերիալ գելեր կիրառում, սակայն մասնագետները նշում են, որ չափազանց ստերիլ միջավայրը կարող է բացասաբար անդրադառնալ օրգանիզմի վրա, քանի որ այդ դեպքում իմունային համակարգը զրկվում է արտաքին ագրեսիվ միջավայրի դեմ պայքարելու հնարավորությունից : Բացի այդ, հակաբակտերիալ գելերի հաճախակի գործածությունը նպաստում է ձեռքերի մաշկի վաղաժամ ծերացմանը:

Մեջքն ուղիղ պահելու սովորություն

Շատերը կարծում են, որ ուղիղ մեջքով նստելն օգտակար է, մինչդեռ իրականում այս սովորությունը նույնպես կարող է վնասակար լինել: Նստած ժամանակ կեցվածքին հետևելու և մեջքն ուղիղ պահելու անհրաժեշտությունը կարող է գերծանրաբեռնել մեջքի մկաններն ու ողնաշարը: Սա է պատճառը, որ երկար ժամանակ նստած անցկացնելու անհրաժեշտության դեպքում ցանկալի է կիրառել օրթոպեդիկ աթոռ, որը կապահովի մեջքի ճիշտ դիրքը:

Նյութի աղբյուրը՝ medikforum.ru