Մեկ բաղադրիչ խոլեստերինի մակարդակը, արյան շրջանառությունն ու զարկերակային ճնշումը կարգավորելու համար

19:34 • 25.10.19

Ավոկադոն շատ օգտակար մթերք է, որը հարուստ է առողջության համար շատ կարևոր մի շարք վիտամիններով ու հանքանյութերով, սակայն քչերին է հայտնի, որ այս յուրահատուկ մրգի կորիզը շատ ավելի օգտակար է, քան դրա պտղամիսը, քանի որ այս մթերքի մեջ պարունակվող օգտակար նյութերի միայն չնչին մասն է գտնվում պտղամսի մեջ:

Իր յուրահատուկ բաղադրության շնորհիվ ավոկադոյի կորիզը կիրառվում է բնական դեղամիջոցների պատրաստման համար: Այն կարելի է կիրառել շատ արդյունավետ թեյի բաղադրության մեջ, որը կօգնի.

նվազեցնել օրգանիզմում խոլեստերինի մակարդակը,
պայքարել արյան մեջ շաքարի մակարդակի բարձրացման դեմ,
ամրապնդել ատամները, ոսկորները, եղունգներն ու մազերը,
կարգավորել դաշտանային ցիկլը,
բարելավել արյան շրջանառությունը,
նվազեցնել օրգանիզմում բորբոքումների մակարդակը,
բարելավել մաշկի վիճակը,
ամրապնդել իմունային համակարգը,
կարգավորել զարկերակային ճնշումը,
մեղմել հոդացավերը,
խթանել մաշկի համար շատ կարևոր կոլագենի արտադրությունը:

Այս օգտակար թեյի պատրաստման համար անհրաժեշտ բաղադրիչներն են.

մեկ ավոկադոյի կորիզ,
մեկ լիտր հանքային ջուր (չգազավորված):

Պատրաստման եղանակը.

Ավոկադոյի կորիզը լավ լվանալ, այնուհետև դնել կաթսայի մեջ, ավելացնել մեկ լիտր ջուր ու դնել կրակին: Հարկավոր է եփել մոտ 15 րոպե, որից հետո անհրաժեշտ է վերցնել կաթսան կրակից ու թողնել թուրմը սառչի:

Օգտագործման եղանակը.

Ստացված թեյը հարկավոր է խմել օրական երկու բաժակը: Առաջինն անհրաժեշտ է խմել առավոտյան դատարկ ստամոքսին, իսկ երկրորդը՝ քնելուց առաջ:

Այս թեյը բացարձակապես անվնաս է և օգնում է բարելավել առողջական վիճակը՝ առանց կողմնակի բարդություններ առաջացնելու: Սակայն, այնուամենայնիվ, հարկ է հիշել, որ առողջական լուրջ խնդիրների դեպքում անհրաժեշտ է դիմել մասնագետին, քանի որ ինքնաբուժությունը կարող է շատ վտանգավոր լինել:

Նյութի աղբյուրը՝ budetezdorovy.ru