Երակների վարիկոզ լայնացում, կորացած մեջք, մաշկային խնդիրներ. ինչ հիվանդույթունների է հանգեցնում գրասենյակային աշխատանքը (լուսանկարներ, տեսանյութ)

13:09 • 25.10.19

Բրիտանացի գիտնականները ստեղծել են 20 տարի գրասենյակային աշխատանք կատարած կնոջ մոդել՝ ցույց տալու համար, թե ինչպես է նստակյաց կենսակերպն ու նմանատիպ աշխատանքն անդրադառնում մարդու առողջության վրա, գրում է Daily Mail-ը: Նախագծի մասին գիտնականները պատմել են YouTube տեսածառայությունում հրապարակված տեսանյութի միջոցով:

Այս գիտափորձի միջոցով գիտնականները փորձել են ցույց տալ, թե առողջական ինչ խնդիրներ կարող են առաջանալ երկար ժամանակ համակարգչի էկրանի առջև նստելն ու ֆիզիկական ակտիվությունից խուսափելը:

Մասնագետները հարցումներ են անցկացրել ֆրանսիացի, գերմանացի ու բրիտանացի ավելի քան երեք հազար գրասենյակային աշխատողի շրջանում և պարզել, թե որ հիվանդություններն են առավել հաճախ ախտորոշվում նրանց մոտ: Ամենատարածված գանգատների թվում էին մեջքի ու աչքերի ցավերը, ինչպես նաև միգրենները: Բացի այդ, հարցվածների մոտ հաճախ էին նկատվում տեսողական խնդիրներ, քաշի ավելացում և մի շարք այլ խանգարումներ:

Ստացված տվյալների հիման վրա մասնագետները ստեղծել են Էմմա անունով մոմե մի արձան, որին մասնագետներն «ապագայի գործընկեր» են անվանել: Այս արձանի միջոցով մասնագետները ցույց են տվել, թե ինչ կլինի մարդու օրգանիզմի հետ 20 տարի գրասենյակային աշխատանք կատարելուց հետո:

Էմմայի մոտ «ախտորոշվել» են կեցվածքի խանգարումներ, որոնք պայմանավորված են մշտապես սխալ դիրքով նստելու սովորությամբ, երակների վարիկոզ լայնացում արյան շրջանառության խանգարման հետևանքով և այտուցված դաստակներ ու ցան ձեռքերին մշտապես նույն շարժումներն անելու անհրաժեշտության պատճառով: Բացի այդ, բնական լույսի բացակայության հետևանքով Էմմայի մաշկը գունատվել է և ստացել հիվանդագին դեղնավուն երանգ, ֆիզիկական ակտիվության պակասը հանգեցրել է մարմնի զանգվածի ինդեքսի բարձրացման, իսկ գրասենյակի վատ օդի պատճառով նրա ականջների ու քթի մազածածկույթն ավելի խիտ է դարձել:

«Եթե մենք որևէ քայլ չձեռնարկենք, ապա նման կենսակերպն ամբողջությամբ կփոխի մեր արտաքին տեսքը», - նշել է նախագծի հեղինակներից մեկը՝ Ուիլիամ Հայեմը՝ ընդգծելով, որ մարդիկ պետք է ավելի քիչ ժամանակ անցկացնեն էկրանների առջև, քիչ նստեն, շատ շարժվեն և աշխատանքի ընթացքում պարբերաբար ընդմիջումներ անեն: «Էմմայի համար արդեն շատ ուշ է: Սակայն նրանք, ովքեր հիմա աշխատում են գրասենյակում, կարող են շատ բան անել իրենց կյանքը բարելավելու համար», - հավելել է նա:

Emma, pictured, has got a hunched back, swollen limbs and bloodshot eyes — and in twenty years, you'll be just like her if you don't improve your working conditions, experts warn

'Emma' — the sickly work colleague of the future — is a life-sized dummy built to show how sitting all day at ergonomically-unfriendly desk might affect workers

This cautionary vision was cooked up by researchers after interviews with more than 3,000 employees about their health issues and concerns

The team call for radical changes to the way we work — including more ergonomic office future and breaks to get staff off their seats and moving about

Poor Emma has a permanently hunched posture sitting for hours every day over her desk, dry red eyes from prolonged exposure to a computer screen and sallow skin for spending years trapped under the glare of artificial light