Ինչպես պայքարել վիտիլիգոյի դեմ. լավագույն ժողովրդական միջոցներն այս խանգարումից ազատվելու համար

20:23 • 02.12.19

Վիտիլիգոն մաշկային հիվանդություն է, որը բնորոշվում է մաշկի պիգմենտացիայի խանգարմամբ: Այս հիվանդությունը, որպես կանոն, պայմանավորված է լինում նյարդային ու էնդոկրին (ներզատական) համակարգերի ֆոնկցիոնալ հիվանդություններով, ինչպես նաև օրգանիզմում պղնձի, երկաթի և այլ միկրոտարրերի դեֆիցիտով: Որոշ դեպքերում վիտիլիգոն փոխանցվում է ժառանգաբար, ուստի այս գործոնը նույնպես չի կարելի անտեսել:

Վիտիլիգոյի դեպքում մարդու մաշկին ի հայտ են գալիս կաթնագույն բծեր, որոնց շուրջը մաշկը երբեմն կարմրում է: Նման խնդիրը կարող է դառնալ բավական լուրջ բարդույթների առաջացման պատճառ, ինչը, բնականաբար, խիստ բացասաբար կանդրադառնա մարդու կյանքի որակի վրա, ուստի զարկանալի չէ, որ մարդիկ փորձում են ամեն կերպ ազատվել կաթնագույն բծերից:

Այս հիվանդության դեպքում սովորաբար մասնագետները նշանակում են հատուկ քսուքներ, սակայն կան նաև բավական արդյունավետ ժողովրդական միջոցներ, որոնք շատ ավելի հասանելի են և անվնաս: Այս բնական միջոցներով վիտիլիգոն բուժելու դեպքում, որպես կանոն, կիրառվում են բույսեր, որոնք պարունակում են ֆոտոդինամիկ նյութեր: Ձեր ուշադրությանն ենք ներկայացնում նմանատիպ մի քանի միջոց վիտիլիգոյից ազատվելու համար:

Շատ օգտակար կարող է լինել վայրի ստեպղինի եփուկը: Այն պատրաստելու համար հարկավոր է երեք ճաշի գդալ հումքը եփել երկու բաժակ եռման ջրում, թողնել սառչի, այնուհետև ընդունել օրական երեք անգամ մեկական ճաշի գդալ:
Կարելի է նաև պատրաստել երկտուն եղինջի թուրմ, այնուհետև ընդունել այն մեկական ճաշի գդալ ուտելուց կես ժամ առաջ:
Վիտիլիգոյի դեպքում շատ արդյունավետ է նաև եղինջի թարմ հյութահանուկը, որը հարկավոր է քսել մաշկի՝ պիգմենտից զուրկ հատվածներին և շփել, որպեսզի այն ներծծվի:
Օգտակար է նաև արալիայի և կաթվախոտի ոգեթուրմը, որը պատրաստելիս բույսերը պետք է լինեն հավասար քանակությամբ (1:1 հարաբերակցությամբ): Ոգեթուրմն անհրաժեշտ է ընդունել մեկական թեյի գդալ օրական երկու անգամ ուտելուց առաջ:
Դեղատու ծնեբեկի թուրմը նույնպես կօգնի պայքարել այս հիվանդության դեմ: Հարկավոր է մեկ ճաշի գդալ ծնեբեկի արմատը թրմել մեկ բաժակ ջրում, այնուհետև ընդունել թուրմն օրվա ընթացքում:
Շատ արդյունավետ է նաև վարսակի սերմերի եփուկը, որը հարկավոր է պատրաստել կաթով: Այս դեղամիջոցն անհրաժեշտ է ընդունել օրական երեք անգամ ուտելուց կես ժամ առաջ կես բաժակ:
Բացի այդ, հիանալի ազդեցություն է ունենում նաև գայլուկով ու կատվախոտով լոգանքը, որը հարկավոր է ընդունել երեք օրը մեկ: Բուժման կուրսը բաղկացած է 15 պրոցեդուրայից:
Վիտիլիգոյի դեպքում ախտահարմավ մաշկի վրա բարենպաստ ազդեցություն կարող է ունենալ նեխուրի սերմերի 20%-անոց ոգեթուրմը:
Բացի այդ, այս հիվանդության դեպքում խորհուրդ է տրվում գունազրկված հատվածներին պարբերաբար կիտրոնի թարմ հյութ քսել:

Այս ժողովրդական դեղամիջոցները շատ արդյունավետ են, սակայն հարկ է հիշել, որ առողջական լուրջ խնդիրների դեպքում հարկավոր է անպայման դիմել մասնագետին, քանի որ ինքնաբուժությունը կարող խիստ վնասակար լինել ու էլ ավելի վատթարացնել հիվանդի վիճակը: Բացի այդ, միայն փորձառու մասնագետը կկարողանա պարզել խնդրի պատճառն ու նշանակել անհրաժեշտ բուժումը, որը կլինի արդյունավետ ու չի առաջացնի կողմնակի բարդություններ:

Նյութի աղբյուրը՝ kartaslov.ru