18 ախտանշան, որոնք հուշում են լյարդի հիվանդությունների մասին

Լյարդի ոչ ալկոհոլային ճարպային հիվանդությունն այս օրգանի ամենատարածված խնդիրներից մեկն է, որը սովորաբար պայմանավորված է լինում մեծ քանակությամբ բարձր կալորիականություն ունեցող մթերք, պարզ ածխաջրեր, հագեցած ճարպեր ու վերամշակում անցած մթերք օգտագործելով: Սակայն, չնայած այն հանգամանքին, որ ճարպակալումն այս հիվանդության զարգացման հիմնական պատճառն է, այնուամենայնիվ նման խանգարման կարող են հանգեցնել նաև այլ գործոնները, ուստի հարկավոր է միշտ զգոն լինել:

Լյարդը մարդու օրգանիզմի ամենակարևոր օրգաններից մեկն է, որի աշխատանքի վատթարացումը խիստ բացասաբար է անդրադառնում ամբողջ օրգանիզմի վրա, սակայն խնդիրն այն է, որ մարդիկ ոչ միշտ են ուշադրություն դարձնում իրենց կենսակերպին ու սովորություններին, ինչն էլ հանգեցնում է օրգանի ախտահարման: 

Այս օրգանի ախտահարման ու ինտոքսիկացիայի պատճառ կարող է դառնալ մեծ քանակությամբ ալկոհոլի ու դեղորայքի ընդունումը: Բացի այդ, լյարդի առողջության վատթարացմանն են հանգեցնում նաև որոշակի հիվանդությունները, որոնց շարքին են դասվում մետաբոլիկ համախտանիշը, լեղապարկի հեռացումը, զարկերակային բարձր ճնշումը, արյան մեջ խոլեստերինի բարձր մակարդակը, երկրորդ տիպի շաքարային դիաբետը և այլն:

Նման խնդիրներից խուսափելու համար հարկավոր է ավելի զգոն լինել և չանտեսել օրգանիզմի տված ազդանշանները, որոնցով այն փորձում է հուշել խնդրի մասին: Լյարդի հիվանդությունները դրսևորվում են բավական բազմազան ախտանշաններով, որոնց շարքին են դասվում.

• Կրծքավանդակի ստորին աջ հատվածի ցավն ու տհաճ զգացողությունները,
• Յուղոտ մթերքը մարսելու հետ կապված խնդիրները,
• Փորափքանքը,
• Մաշկային խնդիրները, ինչպիսին են մուգ հետքերը կամ ցանը,
• Աչքերի տակ առաջացած մուգ շրջանակները,
• Մաշկի քորը,
• Մաշկի չորությունը,
• Սննդակարգով չպայմանավորված քաշի ավելացումը,
• Ավելորդ քաշից ազատվելու անկարողությունը,
• Որովայնի հատվածում ճարպաշերտերի կուտակումը,
• Սուրճ, ալկոհոլ կամ շաքար օգտագործելու սաստիկ ցանկությունը,
• Լեզվի վրա առաջացած դեղնավուն կամ սպիտակավուն փառը կամ բերանի խոռոչի տհաճ հոտը,
• Տրամադրության տատանումները,
• Հոգնածության զգացումը, որից չի հաջողվում ազատվել անգամ քնելուց հետո,
• Խռմփոցը կամ քնի օբստրուկտիվ ապնոէն,
• Ալերգիան կամ աուտոիմունային հիվանդությունները,
• Դեղնուկը, որի դեպքում մաշկն ու աչքերի սպիտակուցային թաղանթները դեղնավուն երանգ են ստանում,
• Չափազանց առատ քրտնարտադրությունը: 

Լյարդի հիվանդությունների բուժման համար սովորաբար կիրառվում են ոչ միայն հատուկ դեղամիջոցներ, այլև հավելումներ ու սննդակարգ: Սակայն այնուամենայնիվ նման խնդիրները կարող են բավական տհաճ հետևանքներ ունենալ, ուստի հարկավոր է շատ զգոն լինել խնդիրները վաղ փուլերում նկատելու և ժամանակին միջոցներ ձեռնարկելու համար:

Նյութի աղբյուրը՝ medikforum.ru