Արդյունավետ բնական միջոցներ, որոնք կօգնեն կարգավորել զարկերակային ցածր ճնշումը

Զարկերակային բարձր ճնշման կարգավորման մեթոդները շատերին են հայտնի, սակայն ոչ պակաս տարածված ու վտանագավոր խնդիր է նաև զարկերակային ցածր ճնշումը, որի դեմ պայքարի միջոցներին ոչ բոլորն են ծանոթ:

Հիպոտոնիայի (զարկերակային ցածր ճնշում) դեպքում մարդու մոտ հաճախ են նկատվում անբացատրելի հոգնածություն ու գլխապտույտ: Այս խնդիրը կարող է լինել առաջնային կամ երկրորդային, որի դեպքում զարկերակային ցածր ճնշումը պայմանավորված է առողջական այլ խնդրով: Եթե հիպոտոնիան պայմանավորված է այլ հիվանդությամբ, ապա ճնշման կարգավորման համար հարկավոր է նախ ազատվել հիմնական խնդրից: Եթե որևէ այլ հիվանդություն չի ախտորոշվել, ապա կարելի է փորձել կարգավորել ճնշումը նաև բնական միջոցներով:

Ինչպես կարգավորել զարկերակային ցածր ճնշումն առանց դեղամիջոցների

Բավարար քանակությամբ ջուր

Արյան շրջանառությունը խթանելու և արյունատար անոթներն արյունով լցնելու համար հարկավոր է բավարար քանակությամբ ջուր խմել: Որպես «հրատապ» միջոց կարելի է միանգամից 0,25 կամ 0,5 լիտր ջուր խմել, որից հետո զարկերակային ճնշումը զգալիորեն կկարգավորվի մոտ 10 րոպեի ընթացքում:

Կերակրի աղ

Եթե զարկերակային ճնշումը նվազում է, իսկ ինքնազգացողությունը կտրուկ վատթարանում, ապա կարելի է լեզվի տակ մի փոքր աղ դնել ու թողնել այն լուծվի: Այս  միջոցը կօգնի րոպեների ընթացքում զգալիորեն բարելավել ինքնազգացողությունն ու բարձրացնել արյան ճնշումը:

Դափնու տերևներ

Այս բնական միջոցը նույնպես շատ արյունավետ է զարկերակային գերճնշման դեպքում: Թուլության ու գլխապտույտի դեպքում հարկավոր է դափնու չորացրած տերևը մի փոքր մանրացնել և մի քանի կտոր դնել լեզվի տակ: Տհաճ զգացողությունները զգալիորեն կմեղմվեն ընդամենը կես ժամ անց:

Մատուտակի (քաղցրարմատ) արմատ

Այս բույսի արմատն օգնում է բարձրացնել զարկերակային ճնշումն ու ազատում է գլխապտույտից: Ընդամենը երկու ճաշի գդալ չորացրած մատուտակի արմատներին հարկավոր է ավելացնել մի բաժակ եռման ջուր, թրմել հինգ րոպե և խմել որպես թեյ օրական մի քանի անգամ:

Ուտել փոքր չափաբաժիններով, սակայն հաճախ

Հիպոտոնիայի դեպքում օրական երեք անգամ լիարժեք սնվելը բավարար չէ: Արյունատար անոթների տոնուսը պահելու համար հարկավոր է փոխել սննդակարգը և սնվել օրական 5-6 անգամ փոքր չափաբաժիններով:

Կոնտրաստային ցնցուղ

Կոնտրաստային ցնցուղն առհասարակ շատ առողջարար է ամբողջ օրգանիզմի համար, ինչպես նաև հիանալի միջոց է հիպոտոնիայի դեմ պայքարի համար: Տաք ու սառը ջրերով ցնցուղ ընդունելը խթանում է արյան շրջանառությունն ու մարզում է անոթները, ինչն ի վերջո օգնում է կարգավորել զարկերակային ճնշումը:

Նյութի աղբյուրը՝ medikforum.ru