Երեք տարածված «միֆ» մաշկի քաղցկեղի մասին, որոնց ժամանակն է դադարել հավատալ

14:20 • 17.04.20

Մաշկի քաղցկեղն այս հիվանդության ամենավտանգավոր ու տարածված տեսակներից մեկն է, որի կանխարգելման հիմնական միջոցներին շատերն են ծանոթ։ Բոլորն էլ գիտեն, որ մաշկի քաղցկեղի զարգացման հավանականությունը նվազեցնելու համար հարկավոր է օգտագործել արևապաշտպան քսուքներ, պարբերաբար ինքնուրույն զննել մաշկն ու տարեկան առնվազն մեկ անգամ բուժզննում անցնել մաշկաբանի մոտ, սակայն այնուամենայնիվ կան դեռ բազմաթիվ «միֆեր» քաղցկեղի այս տեսակի մասին, որոնց մարդիկ շարունակում են հավատալ։ Ձեր ուշադրությանն ենք ներկայացնում դրանցից ամենատարածվածները։

Արևային այրվածքների բացակայության դեպքում անհանգստանալու կարիք չկա

Գեղեցիկ արևայրուք ունենալն ու արևային այրվածքներից խուսափելը դեռ չի նշանակում, որ քաղցկեղի այս տեսակի զարգացման հավանականությունն ավելի ցածր է։ Բանն այն է, որ այս հիվանդությունը կարող է ախտահարել յուրաքանչյուրի մաշկը՝ անկախ դրա երանգից, ուստի հարկավոր է միշտ պահպանել զգոնությունը

Սոլյարիներն անվնաս են առողջության համար

Շատերը վստահ են, որ սոլյարիների միջոցով արևայրուք ստանալն ավելի անվտանգ է, քան «արևային լոգանքը», սակայն 2012 թվականին անցկացված հետազոտությունը ցույց է տվել, որ մինչև 35 տարեկանը լրանալը հաճախ սոլյարի այցելելը բարձրացնում է մաշկի քաղցկեղի զարգացման հավանականությունն ավելի քան 50%-ով։ Ընդ որում՝ այս սովորությունը շատ վտանգավոր է, քանի որ բարձրանում է մաշկի քաղցկեղի տեսակներից երեքի՝ մելանոմայի, բազալ բջջային քաղցկեղի և տափակ բջջային քաղցկեղի հավանականությունը։

Մելանոման վտանգավոր է միայն մաշկի համար

Մելանոման որպես կանոն ասոցացվում է մաշկի քաղցկեղի հետ, ուստի շատերը կարծում են, որ այն կարող է ախտահարել միայն մաշկը, սակայն գոյություն ունի նաև աչքերի մելանոմա, ինչը նշանակում է, որ այս օրգանները ևս չի կարելի անտեսել։ Բանն այն է, որ ուլտրամանուշակագույն ճառագայթները կարող են վնասել ոչ միայն մաշկը, այլև աչքերը, ինչը բացասաբար է անդրադառնում տեսողության վրա և առողջության վրա։

Նյութի աղբյուրը՝ medikforum.ru