10 արդյունավետ բնական դեղամիջոց բշտիկներից ազատվելու և առողջ մաշկ ձեռք բերելու համար

Բշտիկները մաշկի բորբոքումներ են, որոնք զարգանում են մազապարկի կամ ճարպագեղձերի ախտահարման հետևանքով և առավել ծանր դեպքերում ախտորոշվում են որպես ակնե։ Սա մաշկի ամենատարածված խնդիրներից է, որին երբևէ բախվել է յուրաքանչյուրը։ Այս խնդիրը հատկապես տարածված է երիտասարդների շրջանում, քանի որ հասունացման շրջանում ակնեի զարգացման հավանականությունը զգալիորեն բարձրանում է։

Այս հիվանդության դեպքում կարելի է դիմել մաշկաբանին և կիրառել հատուկ դեղամիջոցներ ու քսուքներ, սակայն կան նաև մի շարք բնական միջոցներ, որոնք նույնքան արդյունավետ են, սակայն շատ ավելի անվնաս։ Ձեր ուշադրությանն ենք ներկայացնում 10 բնական դեղամիջոց, որոնք կօգնեն մեղմել բորբոքումներն ու բուժել ախտահարված մաշկը։

1-ին բաղադրատոմսը․

100 մլ կարտոֆիլի հյութին ավելացնել 1 թեյի գդալ մեղր, լավ խառնել և ստացված լուծույթն ամեն օր քսել մաշկին ու թողնել 20-30 րոպե։ Պրոցեդուրան խորհուրդ է տրվում կատարել երեկոյան։ Բուժման կուրսը տևում  երկու շաբաթ, որից հետո հարկավոր է 5-7 օր դադար անել և կրկնել կուրսը։

2-րդ բաղադրատոմսը․

Յուղոտ ու լայնացած ծակոտիներով մաշկի դեպքում բշտիկների դեմ պայքարի արդյունավետ միջոց կարող է լինել գազարը։ Պարզապես հարկավոր է այն մանրացնել ու խյուս դարձնել, ստացված խյուսը որպես դիմակ քսել մաշկին և որոշ ժամանակ անց լվացվել։

3-րդ բաղադրատոմսը․

3 ճաշի գդալ մանրացրած վարունգին ավելացնել 1 բաժակ եռման ջուր, 2-3 ժամ թրմել, այնուհետև լավ քամել, ստացված հեղուկին ավելացնել 1 թեյի գդալ մեղր և խառնել մինչև այն ամբողջությամբ լուծվի։ Բամբակյա սկավառակը թրջել այս լուծույթով և քսել այն մաշկին լվացվելուց հետո։

4-րդ բաղադրատոմսը․

Հիանալի հակաբորբոքային միջոց կարող է լինել հալվե վերայի տերևների հյութը։ Հարկավոր է հալվեի տերևները լվանալ եռացրած ջրով, չորացնել և 10 օր պահել որևէ մութ և զով տեղում։ 10 օր անց տերևները մանրացնել, հյութը քամել և օրական 2-3 անգամ այդ հյութով մաքրել մաշկը։ 

5-րդ բաղադրատոմսը․

Գրգռված ու յուղոտ մաշկի դեպքում շատ արդյունավետ է նաև հավեի տերևների թուրմը, որը պատրաստելու համար հարկավոր է նախապես մի քանի օր մութ տեղում պահված տերևները մանրացնել ու խյուս դարձնել, ավելացնել եռացրած սառը ջուր 1։5 հարաբերակցությամբ, 1 ժամ թրմել, այնուհետև եռացնել 2-3 րոպե և քամել։ Ստացված թուրմն օգտագործել մաշկը մաքրելու համար։

6-րդ բաղադրատոմսը․

Սպիտակ շուշանի թարմ թերթիկները լցնել շշի մեջ 1։1 հարաբերակցությամբ ավելացնել օղի և թրմել 14 օր։ Ստացված ոգեթուրմն օգտագործել քնելուց առաջ մաշկը մաքրելու համար։

7-րդ բաղադրատոմսը․

1 թեյի գդալ մեղրն ու 1 թեյի գդալ վաղենակի ոգեթուրմը (կարելի է գնել դեղատնից) ավելացնել մի բաժակ եռացրած գոլ ջրին, լավ խառնել և օրական մեկ անգամ յուղոտ մաշկը մաքրել ստացված լուծույթով։

8-րդ բաղադրատոմսը․

1։4 հարաբերակցությամբ խառնել ազնվամորու թարմ տերևների հյութն ու կարագը (կամ վազելին), այնուհետև օրական մեկ անգամ ստացված խառնուրդը քսել մաշկին։

9-րդ բաղադրատոմսը․

1 ճաշի գդալ եղեսպակի տերևներին ավելացնել 1 բաժակ եռման ջուր, տարան փաթաթել տաք կտորով և թրմել 30 րոպե։ Պատրաստ լինելուն պես թուրմը քամել, ավելացնել ½ թեյի գդալ մեղր և լավ խառնել։ Այս հեղուկը հարկավոր է օգտագործել օրական 2-3 անգամ ախտահարված մաշկին գոլ վիճակում թրջոցներ դնելու համար։

10-րդ բաղադրատոմսը․

Խառնել հավասար քանակությամբ կռատուկի արմատը, հունական ընկույզի տերևները, սրոհունդն ու կղմուխի արմատները, այնուհետև ստացված խառնուրդի 1 ճաշի գդալին ավելացնել 1 բաժակ ջուր, դնել կրակին ու եփուկ պատրաստել։ Բշտիկների առկայության դեպքում ընդունել եփուկն օրական 2-3 բաժակ։

Նյութի աղբյուրը՝ med2.ru