Վեց փորձված ու արդյունավետ բաղադրատոմս, որոնք կօգնեն հեշտությամբ ազատվել ոտնաթաթի սնկային հիվանդությունից

Ոտնաթաթի սնկային ախտահարումն ամենատարածված մաշկային հիվանդությունն է։ Առհասարակ միկոզները, որոնք զարգանում են բուսական միկրոօրգանիզմիների՝ սնկերի պատճառով, բավական տարածված ու տհաճ խնդիր են։ Մարդը կարող է վարակվել հիվանդ մարդուց կամ կենդանուց, սակայն հարուցիչը կարող է փոխանցվել նաև հիվանդի օգտագործած իրերից, ուստի անձնական հիգիենային հետևելը շատ կարևոր է։

Սովորաբար սնկերն ախտահարում են մաշկը, եղունգներն ու մազերը և կարող են բավական տհաճ զգացողություններ առաջացնել։ Մաշկն ախտահարելու դեպքում միկոզը կարող է դառնալ բշտիկների, քորի ու տհաճ զգացողությունների առաջացման պատճառ, իսկ եղունգների ախտահարումը հանգեցնում է եղունգի հաստացման, փխրունության և անգամ կորստի։ 

Սա պարզապես կոսմետիկ խնդիր չէ, ուստի առաջին իսկ ախտանշանի դեպքում հարկավոր է անպայման բուժզննում անցնել ու սկսել բուժումը, սակայն խնդիրն այն է, որ հակամիկոտիկ դեղամիջոցները ոչ միշտ են բավական արդյունավետ լինում, ուստի մասնագետներն ստիպված են լինում փնտրել բուժման այլընտրանքային տարբերակներ։ Ելենա Յանկովսկայան իր «Բնական կոսմետիկա. օճառներ ու դիմակներ, քսուքներ ու տոնիկներ առանց քիմիայի և սեփական ձեռքերով» գրքում ներկայացրել է լավագույն բնական միջոցները, որոնք կօգնեն ազատվել ոտնաթաթի սնկային ախտահարումից անգամ այն դեպքում, երբ դեղորայքն անարդյունավետ է լինում։

1-ին բաղադրատոմսը.

Խառնել հավասար քանակությամբ սխտորի հյութն ու սպիրտը (90%-անոց), այնուհետև ստացված խառնուրդին ավելացնել նաև թորած ջուր։ Այս խառնուրն օժտված է հզոր հակասեպտիկ հատկություններով, ուստի շատ օգտակար է մաշկի ինֆեկցիոն կամ սնկային ախտահարումների դեմ։ Այն արդյունավետ է անգամ այն դեպքերում, երբ դեղորայքն անարդյունավետ է լինում։

2-րդ բաղադրատոմսը.

Սոխը լավ տրորել ու խյուս դարձնել, այնուհետև ստացված զանգվածը դնել սնկերով ախտահարված մաշկին։

3-րդ բաղադրատոմսը.

Շատ օգտակար կարող է լինել նաև ակնամոմը։ Պարզապես հարկավոր է պարբերաբար ախտահարված հատվածներին ակնամոմի 20-30 %-անոց սպիրտային լուծույթ քսել։

4-րդ բաղադրատոմսը.

Դժվար բուժվող սնկային հիվանդություններց ազատվելու լավագույն բնական միջոցներից մեկը սխտորով կոմպրեսն է։ Առավել լավ արդյունքի հասնելու համար հարկավոր է կոմպրեսներից բացի ստխորը նաև որպես դեղամիջոց ընդունել։ Շատ առողջարար են սխտորով թեյը, սխտորի եփուկն ու սխտորի ոգեթուրմը։

5-րդ բաղադրատոմսը. 

Անանուխը ևս կարող է շատ առողջարար լինել։ Հարկավոր է թարմ տերևներին ավելացնել կերակրի աղ ու տրորել, այնուհետև ստացված խյուսը քսել մատների միջև և թողնել մոտ մեկ ժամ։ Այս պրոցեդուրան հարկավոր է պարբերաբար կրկնել մինչև սնկերը վերանան։

6-րդ բաղադրատոմսը.

10 գրամ եղևրանու ծաղիկներին ավելացնել կես լիտր սպիրտ և թրմել 10-15 րոպե, ստացված թուրմը հարկավոր է օգտագործել ախտահարված մաշկին քսելու համար։