7 բնական դեղամիջոցի բաղադրատոմս, որոնք կօգնեն կարգավորել զարկերակային բարձր ճնշումն առանց դեղորայքի

Զարկերակային գերճնշումն ամենատարածված ու ամենավտանգավոր հիվանդություններից մեկն է, որը մշտական վերահսկողության տակ չպահելու դեպքում կարող է դառնալ մի շարք վտանգավոր հիվանդությունների զարգացման պատճառ։ Հայտնի է, որ այս խանգարման զարգացմանն են նպաստում ներզատական համակարգի գեղձերի գործառույթների խանգարումը, երիկամների հիվանդությունները, ծխախոտի գործածությունը, սննդակարգում մեծ քանակությամբ կերակրի աղի գործածությունը, սթրեսները, քնի պակասը, կենտոնական նյարդային համակարգի տրավմաներն ու ժառանգական նախատրամադրվածությունը։

Սա այն հիվանդություններից է, որը կարող է երկար ժամանակ որևէ ախտանշանով չդրսևորվել և ի վերջո հանգեցնել շատ լուրջ հետևանքների, այդ թվում՝ գլխուղեղի կաթվածի։ Սա է պատճառը, որ հարկավոր է մշտապես պահել զարկերակային ճնշումը վերահսկողության տակ և անգամ չնչին կասկածի դեպքում անմիջապես բուժզննում անցնել ու միջոցներ ձեռնարկել հիվանդության հետագա զարգացումը կանխելու համար։ 

Զարկերակային գերճնշման ախտորոշման դեպքում որպես կանոն նշանակվում են զարկերակային ճնշումը կարգավորող հատուկ դեղամիջոցներ, սակայն կան նաև ոչ պակաս արդյունավետ բնական միջոցներ, որոնք ավելի հասանելի են և չեն առաջացնում կողմնակի բարդություններ։ Ձեր ուշադրությանն ենք ներկայացնում յոթ բնական ըմպելիք, որոնք կօգնեն հեշտությամբ կարգավորել զարկերակային բարձր ճնշումն ու կանխել դրա տատանումները։

1-ին բաղադրատոմսը.

Խառնել մեկական բաժակ մերղրը, գազարի հյութն ու ծավաբողկի հյութը, այնուհետև ավելացնել մեկ կիտրանի հյութ և լավ խառնել։ Ստացված դեղամիջոցը հարկավոր է ընդունել օրական երեք անգամ ուտելուց մեկ ժամ առաջ մեկ ճաշի գդալ։ Բուժման կուրսը տևում է 1,5 ամիս։ Ցանկության դեպքում կարելի է այս բաղադրիչներին ավելացնել նաև մի բաժակ ճակնդեղի հյութ և ընդունել նույն կերպ (օրական երեք անգամ ուտելուց մեկ ժամ առաջ մեկ ճաշի գդալ)։

2-րդ բաղադրատոմսը.

2-3 խնձորին ավելացնել մեկ լիտր ջուր, դնել կրակին և եռացնել մոտ 15 րոպե։ Ստացված եփուկը կարելի է խմել ցանկացած չափաբաժնով։ Ցանկության դեպքում կարելի է ըմպելիքի համը բարելավել մեղրով կամ կիտրոնով։ Այս եփուկն օգնում է ոչ միայն զարկերակային գերճնշման, այլև բորնխաբորբի, ռևմատիզմի և աղիքային բորբոքումների դեպքում։

3-րդ բաղադրատոմսը.

10  գրամ սպիրտային խմորիչին և ½ ճաշի գդալ շաքարին ավելացնել կես բաժակ սենյակային ջերմաստիճանի ջուր և թողնել ամբողջ գիշեր։ Առովոտյան ստացված գազավորված ըմպելիքը հարկավոր է խմել դատարկ ստամոքսին։ Բուժման կուրսը տևում է 20 օր, որից հետո հարկավոր է մեկ ամիս տևողությամբ դադար անել և կրկնել կուրսը։

4-րդ բաղադրատոմսը.

1:1:1 հարաբերակցությամբ խառնել ճակնդեղի, գազարի և բողկի հյութերը, այնուհետև 1 բաժակ հյութի հաշվարկով խառնուրդին ավելացնել 0,5-1 ճաշի գդալ մեղր և լավ խառնել։ Ստացված խառնուրդն ընդունել օրական երեք անգամ ուտելուց առաջ երկուական ճաշի գդալ։ Բուժման կուրսը տևում է 2-3 ամիս։ Պատրաստի դեղամիջոցը հարկավոր է պահել սառնարանում։

5-րդ բաղադրատոմսը.

1:1 հարաբերակցությամբ խառնել մեղրն ու ճակնդեղի հյութը և ընդունել դեղամիջոցն օրական երեք անգամ ⅓ բաժակ։ 

6-րդ բաղադրատոմսը.

Շատ արդյունավետ կարող է լինել նաև սևապտուղ արոնիայի հյութը։ Այն հարկավոր է խմել օրական երեք անգամ ուտելուց առաջ 50 մլ չափաբաժնով։

7-րդ բաղադրատոմսը.

Խառնել երկուական բաժակ ճակնդեղի ու լոռամրգի հյութերը, ավելացնել մեկ կիտրանի հյութ, 250 գրամ մեղր և մեկ բաժակ օղի, այնուհետև լավ խառնել մինչև մեղրը լուծվի։ Ստացված դեղամիջոցն ընդունել օրական երեք անգամ ուտելուց մեկ ժամ առաջ մեկական ճաշի գդալ։ Խառնուրդը հարկավոր է պահել սառը տեղում։

Այս բնական միջոցները շատ արդյունավետ են և ճիշտ գործածության դեպքում կօգնեն մոռանալ զարկերակային ճնշման տատանումների մասին, սակայն հարկ է հիշել, որ ցանկացած բնական դեղամիջոց օգտագործելուց առաջ հարկավոր է անպայման խորհրդակցել բուժող բժշկի հետ, քանի որ ինքնաբուժությունը կարող է շատ վտանգավոր լինել ու էլ ավելի վատթարացնել հիվանդի վիճակը: Բացի այդ, միայն փորձառու մասնագետը կկարողանա հստակ ախտորոշել հիվանդությունն ու նշանակել անհրաժեշտ բուժումը, որը կլինի արդյունավետ ու չի առաջացնի կողմնակի բարդություններ:

Նյութի աղբյուրը՝ healthinfo.ua