Լավագույն ժողովրդական դեղամիջոցները գաստրիտի ախտանշանները մեղմելու և հիվանդության սրացումներից խուսափելու համար

Գաստրիտը ներկայում շատ տարածված հիվանդություն է, որի զարգացման հիմնական պատճառներն են սխալ սննդակարգն ու անորակ սննդի գործունեությունը երկար ժամանակ։ Բացի այդ, գաստրիտի զարգացմանն են նպաստում նաև ալկոհոլի, նիկոտինի ու դեղորայքի գործածությունը, ինչի պատճառով էլ այս հիվանդությունն այսքան տարածված է։

Հիվանդությունը բնորոշվում է ստամոքսի արտազատիչ ու շարժողական գործառույթների խանգարմամբ և դրսևորվում ախորժակի վատթարացմամբ, գխտոցով, ստամոքսի այրոցով ու ծանրության զգացմամբ, ինչպես նաև ստոծանու հատվածի ցավով։

Այս խանգարման բուժման ու կանխարգելման հիմնական միջոցը սննդակարգի կարգավորումն է, սակայն գաստրիտի սրման դեպքում նման միջոցների ձեռնարկումը կարող է բավարար չլինել տհաճ զգացողություններից ազատվելու համար։ Նման դեպքերում մասնագետները խորհուրդ են տալիս ընդունել բուսական թուրմեր, որոնք շատ արդյունավետ են ու չեն առաջացնում կողմնակի բարդություններ։

Ձեր ուշադրությանն ենք ներկայացնում հինգ ժողովրդական դեղամիջոցի բաղադրատոմս, որոնք կօգնեն պայքարել գաստրիտի դեմ, կմեղմեն ցավոտ զգացողություններն ու կկանխեն հիվանդության սրացումները։

• Խառնել հավասար քանակությամբ առյուծագին, անանուխը, երիցուկը, ռազինայի սերմերն ու քիմիոնի սերմերը, այնուհատև ստացված խառնուրդի 2 թեյի գդալին ավելացնել 1 բաժակ եռման ջուր, 20 րոպե թրմել և քամել։ Դեղամիջոցը հարկավոր է ընդունել օրական երկու անգամ՝ առավոտյան ու երեկոյան։ Թուրմն անհրաժեշտ է ընդունել գոլ վիճակում 100 մլ։
• 1 ճաշի գդալ սրոհունդը լցնել թերմոսի մեջ, ավելացնել 1 բաժակ եռման ջուր և թրմել երկու ժամ։ Ստացված թուրմը հարկավոր է խմել օրական 2 անգամ 1/3 բաժակ։
• 1 ճաշի գդալ մանրացրած հազարի թերթիկներին ավելացնել 1 բաժակ եռման ջուր, թրմել 1-2 ժամ, այնուհետև քամել։ Ստացված թուրմը հարկավոր է խմել օրական 2 անգամ 1/2 բաժակ, ինչպես նաև ևս մեկ բաժակ քնելուց առաջ։
• 2։5 հարաբերակցությամբ խառնել չորացրած երեսնակն ու անանուխի տերևները, այնուհետև խառնուրդի 1 ճաշի գդալը թրմել մի բաժակ եռման ջրում, 10 րոպե դնել խառնուրդը թույլ կրակին, այնուհետև թողնել այն սառչի և քամել։ Ստացված եփուկը հարկավոր է ընդունել օրական երեք անգամ ուտելուց կես ժամ առաջ։
• Խառնել հավասար քանակությամբ տատրակի տերևները, անիսոնի սերմերը, նվենու տերևներն ու երիցուկի ծաղիկները, խառնուրդը լավ մանրացնել, այնուհետև 1 ճաշի գդալին ավելացնել 1 բաժակ եռման ջուր և 3 րոպե եփել թույլ կրակի վրա։ Լցնել եփուկը թերմոսի մեջ, թրմել ևս 4 ժամ, այնուհետև քամել։ Ստացված դեղամիջոցը հարկավոր է ընդունել օրական 5-6 անգամ կես բաժակ։

Այս բնական միջոցները շատ արդյունավետ են ու հասանելի, սակայն հարկ է հիշել, որ առողջական լուրջ խնդիրների և ուժեղ ցավերի դեպքում հարկավոր է անպայման դիմել մասնագետին, քանի որ ինքնաբուժությունը կարող է խիստ վնասակար լինել ու էլ ավելի վատթարացնել հիվանդի վիճակը: Բացի այդ, միայն փորձառու մասնագետը կկարողանա պարզել խնդրի պատճառն ու նշանակել անհրաժեշտ բուժումը, որը կլինի արդյունավետ ու չի առաջացնի կողմնակի բարդություններ:

Նյութի աղբյուրը՝ Аif.ru