Սրտամկանի հիվանդությունների մասին հուշող արտասովոր ախտանշաններ, որոնք ոչ մի դեպքում չի կարելի անուշադրության մատնել

Սրտամկանի հիվանդությունները շատ վտանգավոր են և ժամանակին միջոցներ չձեռնարկելու դեպքում կարող են դառնալ անգամ մահվան պաշտճառ, սակայն շատ հաճախ մարդիկ ժամանակին չեն նկատում խնդիրը, քանի որ դրա մասին հուշող ախտանշանները համարվում են անկարևոր և հազվադեպ են ասոցացվում սրտամկանի առողջության հետ։

Մասնագետների խոսքով՝ գոյություն ունեն սրտամկանի հետ կապված խնդիրների մասին հուշող ախտանշաններ, որոնք առաջին հայացքից թվում են անկարևոր, սակայն կարող են շատ վտանգավոր լինել անուշադրության մատնելու դեպքում։ Ձեր ուշադրությանն ենք ներկայացնում դրանցից մի քանիսը։ 

Հոգնածություն ոչ շատ ինտենսիվ ֆիզիկական ակտիվությունից հետո

Եթե սովորական դարձած ակտիվությունն առաջացնում է սաստիկ հոգնածություն, ապա մեծ հավանականությունը, որ սրտամկանը չի կարողանում ինչպես հարկն է իրականացնել արյան շրջանառությունը։ Սա հատկապես վտանգավոր է, եթե նման հոգնածություն է նկատվում որակյալ գիշերային քնի ֆոնին, ուստի նման դեպքերում հարկավոր է զգոն լինել ու բուժզննում անցնել։

Պարբերաբար ի հայտ եկող կտրուկ հազ

Հազը սովորաբար վերագրվում է մրսածությանն ու հարբուխին, սակայն հաճախակի ի հայտ եկող հազը կարող է պայմանավորված լինել նաև սրտամկանի հետ կապված խնդիրներով։ Բանն այն է, որ սրտանոթային անբավարարության դեպքում թոքերում կարող է հեղում կուտակվել, ինչն էլ կդառնահազի պատճառ։ Հաճախ այս հազը նման է լինում ասթմային կամ շնչառական համակարգի այլ հիվանդություններին, ուստի հարկավոր է զգոն լինել ու անուշադրության չմատնել խնդիրը։

Ոտքերի մազերի կորուստ

«Մերկ» ստորին վերջույթները նույնպես կարող են հուշել սրտամկանի հետ կապված խնդիրների մասին։ Սովորաբար նման ախտանշանը վկայում է, որ զարկերակների նեղացման հետևանքով արյան հոսքը թուլացել է և հյուսվածքներն ունեն թթվածնի կարիք։

Այտուցներ մարմնի արտասովոր հատվածներին

Երբ ինչ-ինչ պատճառներով սրտամկանը չի կարողանում արդյունավետ կերպով իրականացնել արյան շրջանառությունը, անոթներն ավելորդ հեղուկը դուրս են մղում, ինչի հետևանքով այն կուտակվոիմ է հյուսվածքներում ու հանգեցնում այտուցների։ Նման դեպքերում այտուցներ կարող են ի հայտ գալ ոտքերի, որովայնի և անգամ սեռական օրգանների հատվածում։ Նման այտուցների առաջացման դեպքում հարկավոր է մատով սեղմել մաշկին։ Եթե մատի հետքը շարունակում է մնալ, ապա հյուսվածքը պարունակում է ավելորդ հեղուկ և հարկավոր է անպայման դիմել մասնագետին։

Ցավոտ զգացողություններ

Երբ սրտամկանի բջիջները հյուծվում են զարկերակների՝ խոլեստերինային վահանիկներով ախտահարվելու հետևանքով, սրտամկանն սկսում է ցավի ազդանշաններ ուղարկել նյարդային համակարգի միջոցով։ Այս ամենի հետևանքով կարող են տհաճ զգացողություններ ու ցավ առաջանալ պարանոցի, ուսերի, ձեռքերի ու մեջքի հատվածում։

Հաճախակի ի հայտ եկող մարսողական խնդիրներ

Սրտի իշեմիկ հիվանդության դեպքում կարող է ի հայտ գալ ստամոքսի այրոց, ինչպես նաև ցավեր էպիգաստրալ հատվածում։ Եթե դրանք կապված չեն սննդի հետ, այլ ի հայտ են գալիս անսպասելի (օրինակ՝ արագ քայլելիս կամ աստիճաններով բարձրանալիս), ապա հարկավոր է դիմել սրտաբանին։ Հատկապես վտանգավոր է այրոցը, որն ի հայտ է գալիս, երբ նախկինում բնորոշ չէր։

Նյութի աղբյուրը՝ Medikforum.ru